ЙЫ РЛАРЫ ХАЛКЛАР АРА ДОСЛЫКТЫ ЭЖУЬВЛЕЙДИЛЕР

Б уьгуьнги хабары - мыз зегенли композитор Юрий Юсупович Байрамуковтынъ яратувшылыгы акында. Юрий Юсупович 1945 йылдынъ 17 наврузында Киргизиядынъ Таласс областининъ Будденовск районынынъ Талды-Булак юртында тувган. Узактагы 1961 йылда Байрамуковлардынъ аьели Карашай-Шеркеш автономиялы областине коьшкен. Совет аьскер сыдыраларында эрлик боры ш ы н т олт ы ры п кайткан сонъ, яс аьдем Черкесск каласындагы саз училищесине окувга туьскен. Училищеде окувын етимисли битирип, ис аьрекетин сол окув отанында вокал бойынша окытувшы болып баслаган. Соны ман биргесине билимли яс оьнерши Юрий Байрамуков «Апсаты» ф ольклор ансам блининъ солисти де болган. Яслыгынынъ мине деген яркыраган ш агы нда, ансам бльдинъ солисти кебинде коьплеген регионларда болып, уьйкен са хнал ард а оьне рш и л и - гин коьрсеткен. Айтпага, Дагестаннынъ бас каласы М ахачкалада, Краснодар крайында миллетлер ара фестивальлеринде болымлыгы ман таны лган. Аьр бир фестивальде катнасув ердесимиздинъ коьнъилин коьтерген эм янъы шыгармаларды эндируьвге даьврендирген. Композитор Юрий Байрамуковтынъ бала йырлар йыйынтыгын яс оьспирдинъ ансамбльлери эм хор коллективлери кулланганлар, олар туьрли байрамларда, конкурсларда эм ф естивальлерде занъыраганлар. Юрий коьп йыллардан бербетин балалар жанрында аьрекетлейди. Онынъ шыгармалары дуныяга ярасыклыкты эм куванышты савгалайдылар. Композитордынъ саз асарларын кишкей балалар да, ясы уьйкенлер де йылы йолыгадылар. Йырлардынъ анълары да юрекке ювык. Оларда Карашай-Ш еркеш Республикасынынъ халкларынынъ йыр яратувш ы лы гы ны нъ коьп оьмирлик тарихи коьринеди. Юрий Байрамуковтынъ яратувш ылыгынынъ аудиториясы айлак кенъ. Онынъ йырларын конъысы Кабарты-Балкар Республикасында да суьйип тынълайдылар. Неге десенъ йырлар оьсип бараятырган яс аркаларды тербиялавда маьнели орынды тутадылар. Оьз асарларында зегенли композитор республикамыздынъ халклары ара дослыкты, тувган еримиздинъ, онынъ еннет табиатынынъ ярасыклыгын, тынышлыкты эжуьвлейди, юртымыздынъ келеектеги бактысы уьшин яваплы к акында эске салады. Юрий Байрамуков республикамыздынъ миллет балалар йыр культурасын байытувга номай уьлисин киргисткен. Оьз яратувшылыгы ман сансыз халклар ара, Савлайроссиялык эм регионлар ара фестивальлерде катнасып, Карашай-Шеркеш Респуликасы ны нъ сыйын яклаган. Турцияда озган тюрк миллетлердинъ Савдуныялык фестивалинде, Россия Федерациясынынъ бас каласы М осквада оьким етлик Кремль дворецинде Карашай-Шеркеш Республикасы туьзилгенли йырма йыллыгына багысланган концертте катнасы п, ю рты мы зды нъ атын йогары сый ман айттырган. Сондай болып, республикамыздынъ Хабез муниципал районында «Кавказ ойы нлары » хал кл ар ара спорт эм маданият фестивалинде, Усть-Джегута каласы нда дельтопланеристлердинъ савлайсоюзлык слетында катнаскан. Юрий Байрамуков Карашай-Ш еркеш Республикасынынъ сыйлы артисти, юртымыздынъ композиторлар Союзынынъ агзасы болады. Юрий юзден артык йыр язган. 2011 йылда онынъ йырлар альбомы шыккан. Онда он бес эстрада йыры да кирген. Белгили композитор татым аьел де туьзген. Ян косагы ман бирге эки балады оьстирген. Тувынъышы Герман байыр эпш илл ик пен каьр шегеди. Кенжепайлары Руслан «Территория м илосердия» ф онды нда белсинли аьрекетлейди, республикамыздынъ еринде саваплык амалламалар уйгынлайды. Быйылдынъ 17 наврузында Юрий Байрамуков тувганлы 75 йы ллы к мерекесин белгиледи. Казан айынынъ ызында биз маданият тармагынынъ куллыкшысынынъ кеспилик байрамын йолыгаякпыз. Соны ман байланыста биз Юрий Ю суповичти ийги байрам ман ак юректен кутлаймыз эм ога узак оьмирди, берк ден савлыкты, тынышлыкты, наьсип-наьвметти, яшав куванышын сагынамыз