Ю Р ТЫ М Ы З Д Ы О Ь Р Л ЕН Д И Р УЬ В С О Р А В Л А Р Ы

Юма куьн Карашай-Шеркеш Республикасын Россия Федерациясынынъ Керуьв Кавказдынъ ислери бойынша министри Сергей Чеботарев йоклады. Карашай-Шеркеш Республикасынынъ Басш ысы Раш ид Темрезов пан йолыгыст а олар РФ Президентининъ тапшырувларын толтырув, миллет проектлерин яшавга эндируьв, СКФО субъектлерин оьрлендируьв бойынша соравларды тергедилер. «Керуьв Кавказдынъ ислери бойынша РФ министерством министр Сергей Чеботаревтынъ басшылыгы ман республикамыздынъ социал-экономикалык оьрленуьв соравларын шешуьвде дайым ярдамласадылар. Буьгуьн эки яклык йолыгыстынъ тамамында кыралымыздынъ Президенти Владимир Путиннинъ тапш ы рувларын яш авга эндируьвдинъ амалларын, СКФО-ды оьрлендируьв стратегиясын толтырувдынъ йолларын тергедик. Социаллык тармагын оьрлендируьвден баска, биз оны ман сонъгы заманларда белсинли каьрлеймиз, программага киргистилген аьр проект - авыл хозяйство, промышленность, туризм яде оьзге тармак бойынша, исши орынларды туьзуьвде, производстводы кенъейтуьвде айлак маьнели. Эм бу куллыкта Керуьв Кавказдынъ ислери бойынша м инистерством - бизим стратегиялык партнерымыз», - деп язган оьзининъ Инстаграм бетинде КЧР Басшысы. МИЛЛЕТ ПРОЕКТЛЕРИН ЯШАВГА ЭНДИРУЬВГЕ - ЭС Республикамызды йоклаган куьн Керуьв Кавказдынъ ислери бойынша РФ министри Сергей Чеботарев КЧР Басшысы Рашид Темрезов пан бирге республикамызды социал-экономикалык оьрлендируьв соравлары бойынша йыйылыс озгарды. Йыйылыстынъ басында С.Чеботарев республикамыздынъ оьрленуьвининъ коьрсетимлери мен танысканы эм бир кесек ийги тамамлар бар экенин белгиледи. «Регионнынъ социаллык онъайлыгынынъ бас коьрсетими - куллыксызлык бойынша аьл ийгиленгени кувандырады. Быйылдынъ май-июнь айларында куллыксызлык тоьмен эди, йылдынъ сонъына дейим аьл энди де ийгиленер, деген сеним бар. Бу ийги коьрсетим. Оннан баска авыл хозяйство производствосынынъ оьлшеми де оьскен - йылдынъ биринши ярымында 2,8 процентке йогары болган», - деди С.Чеботарев. Йыйылыста СКФО регионларынынъ социал-экономикалык оьрленуьвлерине каратылган подпрограммалардынъ пайдалыгын оьстируьв акында сорав коьтерилген эди. « К а р а ш а й -Ш е р к е ш Республикасынынъ социал-экономикалык оьрленуьви» подпрограммасын алып караганда, ол график пен келисте яшавга эндирилетаганын белгилемеге болаяк. Биз республикадынъ Басшысы Рашид Темрезов пан, Правительство ман, министрлер мен тар байланыста аьрекетлеймиз. Подпрограмма планга коьре яшавга эндириледи», - деди РФ министри. Рашид Темрезов министерстводынъ республикамызга эс этуьви эм миллет проектлерин яшавга эндируьвде демевлеви уьшин разылыгын билдирди. «Карашай-Шеркеш Республикасынынъ юртында яшавга эндирилетаган миллет проектлерин демевлевин' из уьшин раз1 ыгым1 зды билдиремиз. Россия Федерациясынынъ Президенти Владимир Путин белгилеген тапшырувларды толтырувда сизинъ ярдамынъызды сеземиз», - деди оьзининъ соьзинде КЧР Басшысы РТемрезов. Онынъ белгилевинше, министерстводынъ демеви мен республикамыздынъ толтырувшы, законшыгарувшы власть органлары пайдалы аьрекетлейдилер. «Буьгуьнги куьнге Керуьв Кавказдынъ ислери бойынша министерством да, Керуьв Кавказды оьрлендируьв Корпорациясы да келисли маглуматларды туьзуьв аьллеринде бизге демев этпеге аьзирлер. Ювык арада биз проектлерди яшавга эндируьвдинъ тамамларын коьрермиз, деп билемен. Бизим эсабымыз - экономикады оьрлендируьв, миллет проектлерин яшавга эндируьв, РФ Президентининъ салган эсапларын толтырув», - деди Рашид Бориспиевич. Йыйылыстан сонъ, РФ министри С.Чеботарев эм КЧР Басшысы Р.Темрезов республикамыздынъ СМИ-лерининъ коьплеген соравларына явапладылар