Мындан алда Чечен Республиканы ара шахары Грозныйде «Инвестируй в Кавказ» деген ат бла 3-чю бизнес-форум болгъанды. Аны Эресей Федерацияны Шимал Кавказны ишлеринден министерствосу, Эресейни ТАСС информацион агентствосу, Чечен Республиканы Правительствосу, «Корпорация развития Северного Кавказа» деген акционер бирлешлик эмда «Курорты Северного Кавказа» деген акционер бирлешлик болушуб бардыргъандыла.
«Разговор на прямую: инвестиционный и деловой климат Северного Кавказа» деген пленар джыйылыуну ишине къошулгъанланы арасында Эресей Федерацияны Шимал Кавказ федерал округда Толу эркинликли келечиси Александр Матовников, Шимал Кавказ федерал округну субъектлерини башчылары Темрезланы Рашид, Рамзан Кадыров, Юнус-Бек Евкуров, Казбек Коков, Шимал Тегей Республиканы-Аланияны Правительствосуну Председатели Таймураз Тускаев, Дагъыстан Республиканы Правительствосуну Председателини биринчи орунбасары Гаджимагомед Гусейнов, Ставрополь крайны Правительствосуну Председателини орунбасары Николай Афанасов, федерал ведомстволаны келечилери болгъандыла.
Форумну ишине къошулгъанла, властланы федерал, регионал органлары, ёсюмню институтлары, финанс структурала, сатыу-алыучула Шимал Кавказны регионларында бусагъатда ишлеб тургъан кърал болушлукъну къурамын, ишин сюзгендиле. Инвестицияны ёсюмюню кёргюзюмлерин, ишин, ол округну экономикасына къалай джарагъанын тинтгендиле. Шимал Кавказ федерал округну регионлары, социал-экономика ёсюмню, гитче, орта сатыу-алыуну, къралла арасы кооперацияны дагъыда алача башха затланы юсюнде къаллай ишле бардыргъанларына къарагъандыла.
Александр Матовников, Шимал Кавказ федерал округну ёсюмюне багъа бере, хайыр келтирлик юч санагъатны белгилегенди. Ала турист кластер, эл мюлк, промышленностдула. Эресей Федерацияны Президенти В.В.Путинни джангы указын джашаугъа кийире, инвестицион капиталны тири хайырландырыргъа кереклисин чертгенди.
Андан сора Эресей Федерацияны Шимал Кавказны ишлеринден министри Сергей Чеботарев кесини сёзюнде бюджет политиканы ёсюмюне, экономикагъа инветицияны кийириуню уллу магъанасы болгъанын айтханды.
Шимал Кавказ федерал округну регионларыны башчылары кеслеринде инвесторланы хайырландырыр джанындан къаллай ишле бардыргъанларыны юслеринден сёлешгендиле.
Къарачай-Черкес Республиканы Башчысы Темрезланы Рашид чертгенден, Шимал Кавказ федерал округну хар субъектини экономикасын ёсдюре алгъа тири атларча мадары, байлыгъы барды.
«Къарачай-Черкес Республиканы юсюнден айтсакъ, былайда экономика юч затны: эл мюлкню, туризмни, промышленностну юсюнде орналгъанды. Ала башха санагъатланы, гитче, орта бизнесни тартадыла. Хар сатыучу-алыучу бла энчи ишлерге, регионда иги инвестицион болум къураргъа кереклиге санайма.
Къарачай-Черкесияда бюгюнлюкде федерал властла, «Корпорация развития Северного Кавказа», «Курорты Северного Кавказа» деген корпорацияла да болушуб, кёб тюрлю проект джашауда орун алгъанды. Бу джаны бла мындан ары да ишле бардырыллыкъдыла», - дегенди Темрезланы Рашид.
Комментарии