СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ЙАГЪЬУ АВОЛОНТЕРКВА ГIАЛЫРКIГIАТI

03.11.2020 119
ЙАГЪЬУ АВОЛОНТЕРКВА ГIАЛЫРКIГIАТI
Асквш 2020 адуней зымгIва ахъазла йалачпата йакIвшитI. Адунейла тшауацIызхыз коронавирус ашIашIакIгIара йапшIагылуата йапшым ауысква зымгIвагьи ацацхърагIауамцара йадыргалитI. ХIреспублика апны асквш 2020, мартI а 17 агIан «Единая Россия» политика партия йаднакIалыз аволонтерква р-Квта анхара джвыквнацIатI. Арат амшква «Единая Россия» политика партия ашIыпIа хъвшара апны а-Квта уыста йакIвнаршаз йгьи йагъьта тшгIазырбаз аволонтеркви ажвлара адкIыларакви аразыра сальамшвъаква ъарыртыз айззара адыргалтI. Ауи йалан КЧР АуагIа Айззара (а-Парламент) апредседатель йзаместитель СМАКУЕВ Дагир Рамазан йпа, КЧР АуагIа Айззара (а-Парламент) згIвадарахчарали социальна политикали акомитет а-Председатель ХВБИ Хасан МхIамат йпа, КЧР АуагIа Айззара (а-Парламент) наукала, арыпхьарала, культурала, спортла, чкIвыныргIа руысквала йгьи туризмла акомитет а-Председатель ГАНШИН Алексей Василий йпа, «Единая Россия» политика партия ашIыпIа хъвшара аунашвачпагIв ДЖАМБАЕВ Руслан Александр йпа, «Единая Россия» политика партия ашIыпIа хъвшара аунашвачпагIв йзаместитель, КЧР АуагIа Айззара (а-Парламент) адепутат КЪАРДАН ФатIима Анатолий йпхIа, «Единая Россия» политика партия ашIыпIа хъвшара аунашвачпагIв йзаместитель ДЗУГАЕВ Альберт Валерий йпа, ажвлара адкIылараква ргIащтийыгIвчва, аволонтерква. Джамбаев Руслан асасчва тшырзынайырхауата, арат амызква руацIа а-Квта йалаз аволонтерква уыста йакIвдыршаз дрыквгIашIастI. – Коронавирус ашIашIкIгIара хIазыхIазырмызтынгьи ауи гIашIахIкIуата хIреспублика абзазагIвчва зымгIва хIацIагылын, нхара ду акIвхIыршатI. Арат амызква руацIа абзазагIвчва ртшазынархата 2500 алхIыргатI – аволонтерква абзазагIвчва фачIвы, хъвшвы рзырхвгIумца рунагIваква йырзыргатI, ЖКХ ахв рзыршватI. Саби щарда ъагIадзынгылуа атгIачваква, зызгIвадара алшараква ахъарысу, зныбыжьла йнаскIьаз абзазагIвчва афачIвква зтаз сумкIата 36400 рзыргатI. Амедицина нхагIвчва рызгIвадара алархчарныс 20000 аъара комбенизонта, халатта, респираторта, термометрта амедицина нхартаква йдхIрадзатI, щардала йгIаурысабап ауаш маскIата 45000 хвыдъа абзазагIвчва йрылахIшатI. «Спасибо врачам» акция апкъ йтата 750 фачIв пакетта агоспитальква йынхауа амедицина нхагIвчва йырзыгIгатI. УахьчIва рыцIа джьгарта тшгIазырбаз аволонтеркви ажвлара адкIыларакви гIалхIкIгIарныс хIтахъыпI. ДзачIвызлакIгьи аразыра ажваква йзынахIырхитI, – йхIватI ауи. Смакуев Дагир йшгIаликIгIазла аъаща баргвы уанташвара агIан акIвпI къарута йуыму ангIаугвынгIвуа. – УахьчIва йъагIадзазгьи ацIыхъвадза йхIымдырс коронавирус згIва апшIагылра хIреспублика акъральыгIва нхагIвчвагьи, ажвлара адкIылараквагьи, апхьагIвчвагьи хIаднакIылтI. ЗымгIвагьи абзазагIвчва цхърагIара ддрадзара йхIазырта, ркъаругьи рахчагьи йырмайгьдзауа джьгарта йхIыцыркIтI. Аразыра ажваква швзынасырхитI, – йхIватI ауи. Аволонтерква р-Квта апны йынхаз рыуа 26-гIв аграмотаквали аразыра сальамшвъаквали асмарт сахIатквали йгIалыркIгIатI. Ауат йрыуапI Кубанов Расул, Кийков Артур, Мидова ФатIима, АуацIа уысквала КЧР аминистерства апны йгIаныршу Ажвлара Совет а-Председатель АТАБИ Мария датшагьи анхартаква ргIащтийыгIвчва, аволонтерква Бойко Валерий, Дышекова Ольга, Макаова Залина, Дзыба Зарина. Шидаков Алан датшагьи. Джамбаев Расул йшгIаликIгIазла, аволонтер Дзыба Зарина йапхъахауа амш йгIашIарышвта а-Квта апны дынхитI. Уыста йгIалыхъвдаквырцIалакIгьи джьауапкIрала йлырхъйатI. АчымазагIвква гвжвайра йаламшвара ахъазла телефонла драйбжьауамца кьангьашра дылрадзатI. Ари амш зыхьыз гIалыркIгIаз зымгIва уыс ду шдырхъйаз рархIвтI, аразыра ажваква рзынадырхатI. Ауаса коронавирус ужвыгьи тшауацIнахыркIвитI, дзычIвызлакIгьи ауи абакIра апны йырхIаз ашвапха гIадрысабапуата анхараква акIвдыршуштI. ХIреспублика ауацIа апны заджвгьи дчмазагIвыхымкIва йанщаквгылра рхъвдаквцIараква абгата йдырхъйата йырпхьадзуштI. 
119 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный