Актуально В КЧР проводят проверку по факту наезда на малолетнего ребенка на электромобиле СКФО В Ставрополе 20 июля пройдут две ярмарки СКФО В Дагестане до конца года планируют достроить 40 объектов водоснабжения СКФО Годовая инфляция в Чечне в июне ускорилась до 7,7% СКФО В Ингушетии борются с загрязнением реки Назранка

ЙАГЪЬУ АШТАКВА ЙРЫЛАНАКIИТI

15.02.2019 328
ЙАГЪЬУ АШТАКВА ЙРЫЛАНАКIИТI
ХIреспублика йгIайыз РФ Ажвлара Палата ЖКХ-ла, уыхварала йгьи амгIваквала а-Комиссия апредседатель ШПЕКТОР Игорь КЧР а-Хъада ТЕМРЕЗОВ Рашид дйынйатI. Ауат агIвнабзазара-коммунальна млыкврхIара йгIацIанакIуа анархараквала – апшцIаква раныргIалрала, атдзаквгылаква ркапитальна рчIаджьрала, йшварагIвару атыдзква йырту гIвнабзазарта рзалхрала ауысква зкву йаквчважватI. КIьыдата КЧР а-Хъада асквш 2018 агIан йщаквйыргылыз аштаква раныргIалра а-Сквш агIан уыста йдырхъйаз йаквгIашIастI. Анйара апны ауат анархараквала Къарча-Черкес атшауацIыхра амгIва йштагылу гIалыркIгIатI, йырхъйамкIва йгIанхауа ауысквагьи ауатыкв йгIатаргатI, РФ Ажвлара Палата ацхърагIарала йдырхъйуш ауысква йрыквчважватI. ЖКХ-ла йгьи уыхварала РФ а-Министерства йгьи хIышта аунашвачпагIвчва йадырчпалыз ангIалра апкъ йтата хIышта асквш 2017, январь а 1-дза йшварагIварата ашвъа йанырцIаз атыдзква йрыцIу, сынчIвагьи гIвнабзазарта рзалырхуаштI. «Чистая вода» федеральна проект апкъ йтата асквш 2019 агIан хIреспубликала адзцагаква ргIаршIыцхра гьгIашIадрысуашым, ауагIа йрадзауа адзы анадзара агъьчIврала анхараква акIвдыршуштI. Шпектор Игорь гIвымшкI руацIа хIышта апны агIвнабзазара-коммунальна уысква тшрыхайыргIвазатI, ауи амщтахь КЧР а-Правительства Тдзы апны йазалху алачIвара акIвйыршатI. Ауи йалан КЧР а-Правительства а-Председатель УАЗ Аслан, а-Правительства анхагIвчва, РФ Ажвлара Палата агIащтийыгIвчва, РФ Ажвлара Палата йалу Тльыс Азамат, агород йгьи арайон администрацияква рхъадаква, агIвнабзазара-коммунальна млыкврхIара йгIацIанакIуа анхартаква. АлачIвара апны Шпектор Игорь Къарча-Черкесла йбазла дшразу гIаликIгIатI, аквыргъвгъвара ъану апны йырхъйачIву даквгIашIастI. Ауи апшцIаква раныргIалрала, атдзаквгылаква рырчIаджьрала хIышта йагъьу йшрыланакIуа гIайхIватI. Ари анйара ащтала хIшIыпIа апны ЖКХ агIаршIыцхрала йазалху план лырхуаштI. 
328 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный