КЧР а-Правительства
Тдзы апны арыпхьагIв
йы-Мш йадахIвуата чIахIра айззара акIвшатI. Ауи
йалан «Земский учитель» анкъвакъвра йалаз, йагъьу арыпхьагIвчва гIарыбергьыльрала
анкъвакъвра апхъагылагIвчва, Къарча-Черкес
а-Хъада йсогIа гIазквнадыргаз анаука анхагIвчва.
Къарча-Черкес а-Хъада Темрезов Рашид йыхьызла арыпхьагIвчва
драйхIвахIвтI КЧР а-Правительства а-Председатель УАЗ Аслан. Ауи
«Земский учитель» анкъвакъвра апхъагылагIвчва асертификатква риттI,
асквш 2020 агIан йагъьу
арыпхьагIвчвати наука
нхагIвыти йгIалыркIгIаз
КЧР а-Хъада йразыра сальамшвъакви йгранткви
дирадзатI.
Арыпхьарали наукали
КЧР аминистр КРАВЧЕНКО Инна арыпхьагIвчва рамайчра нхара йгьи
хIышта арыпхьара атшауацIыхра къарута йаларцIауа ахъазла лразыра
ажваква рзыналырхатI.
Айззара апны КЧР
а-Правительства а-Председатель Уаз Аслани арыпхьагIвчви райчважварагьи акIвшатI.
Ауи йахъазымкIва,
ачIахIра хьызква йгьи
артшхъвагаква гIазквнадыргаз арыпхьара анхагIвчвагьи дыртлапIатI.
Ауат йрыуапI «Почетный
работник воспитания и
просвещения Российской Федерации» гвплацIа, арыпхьарала РФ
а-Министерства, КЧР
а-Правительства, АуагIа
Айззара (а-Парламент)
а-Президиум йгьи арыпхьарали наукали КЧР
а-Министерства рчIахIра грамотаква гIазквнадыргаз.
Получайте свежие новости на электронную почту
Комментарии