Иджыблагъэ хъыбарыфI къытIэрыхьащ. Пастернак Борис къызэрыхъурэ илъэс 125 зэрырикъум теухуауэ ирагъэкIуэкIа урысейпсо фэеплъ зэпеуэм къыхэжаныкIащ ди лъэпкъэгъу щIалэ, усакIуэ, журналист Бемырзэ Зураб. Зэпеуэм хэтащ Урысейм и тхакIуэхэм, усакIуэхэм я нэхъыфIу къалъытэхэр. Пастернак Борис и фэеплъу къызэрагъэпэщ усыгъэ зэхьэзэхуэхэр илъэс къэси ирагъэкIуэкIкъым, атIэ илъэси 5-м зэ къаIэт Iуэхугъуэщ. Абы щызэхуашэс ди къэралым къыщымынэу, сыт хуэдэ къэралми, лъэпкъми щыщхэр. УрысыбзэкIэ тхэ закъуэмэ, дэнэ щыпсэу усакIуэ, тхакIуэхэри хэтын хуитщ. ЗэрыгурыIуэгъуэщи, апхуэдэ бгъэдыхьэкIэм и фIыгъэкIэ, зэхьэзэхуэм лъэпкъыбэ щытыкIэр егъуэт, лъэпкъ куэдым щыщ цIыху зэчиифIэхэр къызэщIеубыдэ. Псалъэм папщIэ, мы гъэм екIуэкIа зэхьэзэхуэм хэтащ усакIуэ-тхакIуэу мин зыбжанэ. Абыхэм ирагъыхьа тхыгъэхэм хэплъащ Урысейм и тхакIуэ-усакIуэ, критик нэхъ цIэрыIуэхэр. Апхуэдэу къызэрагъэпэща хеящIэ гупым и тхьэмадэу мы илъэсым щытащ Грибоедов, Чехов сымэ я фIыщIэ медалхэр, Маяковский и фIыщIэ орденыр къызыхуагъэфэща, усакIуэ цIэрыIуэ Бабак Анатолий. ХеящIэхэр хэплъэкIэрэ, усэ мин бжыгъэ ирагъэхьам ящыщу, япэ щIыкIэ къыхахащ «лонг-лист» -кIэ зэджэ къетхэкIым къызэщIиубыда усакIуэ бжыгъэфI. Иужьым абыхэм яхэплъэжри, усакIуэ IэзагъкIэ псоми я нэхъ щхьэжу кIуауэ къалъыта нэрыбги 10 - «шорт-лист»-кIэ зэджэр, къыхахащ. АдэкIэ абыхэми хэплъэжри, зы усакIуэ къыхахыжащ, зэхьэзэхуэм щытекIуауи ягъэлъэгъуащ. Зэхьэзэхуэм хэтхэм ящыщу, зи усыгъэ IэзагъкIэ нэхъыфIу къалъытэу, нэрыбги 10 къыхахам яхэхуащ Бемырзэ Зураби. Пэжщ, адэкIэ къыхахыжу, пашэныгъэр къэзыхьар нэгъуэщIщ - Владимир къалэм щыщ Карменков Петрщ. Арами, Урысейм и мызакъуэу, лъэпкъыбэ зэхьэзэхуэм хэтауэ хъуам я нэхъыфIу къалъыта усакIуи 10-м ди лъэпкъэгъу щIалэр зэрахэхуар куэд и уасэщ. Япэрауэ, урыс лъэпкъым щымыщу, ауэ урысыбзэкIэ усэ зэхилъхьэу, нэхъыфIу къалъыта нэрыбги 10-м яхэтыр Зураб закъуэщ. Адрейуэ хъуам урысыбзэр- я анэдэлъхубзэщ. Зураб адыгэбзэкIи, урысыбзэкIи матхэ. Абы къыщымынэу, и тхыгъэхэр зэридзэкIыу аракъым, атIэ лъэпкъыбзитIымкIи IэдакъэщIэкI щхьэхуэхэр къегъэщI. Дауэ щымытми, урысыбзэр нэхъ дахэу, Iэзэу усэбзэкIэ зэригъэшэрыуэмкIэ абы хузэфIэкIащ езы урысыбзэр зи анэдэлъхубзэ усакIуэ куэдым я щхьэкIэ кIуэн. Зэхьэзэхуэм деж къыхахар зы увыпIэ закъуэщ – япэ увыпIэращ. Адрей усакIуи 9-р финалым икIауэ ялъытэри, я ехъулIэныгъэм и цIэкIэ диплом зырыз къыхуагъэфэщащ. ДрогуфIэ икIи дрогушхуэ ди лъэпкъэгъу щIалэм и ехъулIэныгъэмкIэ. Мы зэманым Зураб и усэхэр ихуагъэххэщ Ищхъэрэ Кавказым и усакIуэ щIалэгъуалэм ящыщу нэхъыфIу къалъытахэм я тхылъ зэхуэхьэса къыдагъэкIам – «Вкус айвы» зи фIэщыгъэцIэм. Абы къыщымынэу, 2013, 2014 гъэхэм Урысейпсом и усакIуэ-тхакIуэ щIалэгъуалэм ящыщу нэхъыфIу къалъытахэм я тхылъ зэхуэхьэса къыдагъэкIахэми Зураб и усэхэр ихуащ. Тхылъищри къыздыдэкIар Москва къалэращ, абдежми презентацэ убгъуахэр щрагъэкIуэкIащ. НэхъыфIыж ехъулIэныгъэхэми хуэкIуэну, ди гуапэу Зураб дохъуэхъу!
Иджыблагъэ хъыбарыфI къытIэрыхьащ. Пастернак Борис къызэрыхъурэ илъэс 125 зэрырикъум теухуауэ ирагъэкIуэкIа урысейпсо фэеплъ зэпеуэм къыхэжаныкIащ ди лъэпкъэгъу щIалэ, усакIуэ, журналист Бемырзэ Зураб. Зэпеуэм хэтащ Урысейм и тхакIуэхэм, усакIуэхэм я нэхъыфIу къалъытэхэр. Пастернак Борис и фэеплъу къызэрагъэпэщ усыгъэ зэхьэзэхуэхэр илъэс къэси ирагъэкIуэкIкъым, атIэ илъэси 5-м зэ къаIэт Iуэхугъуэщ. Абы щызэхуашэс ди къэралым къыщымынэу, сыт хуэдэ къэралми, лъэпкъми щыщхэр. УрысыбзэкIэ тхэ закъуэмэ, дэнэ щыпсэу усакIуэ, тхакIуэхэри хэтын хуитщ. ЗэрыгурыIуэгъуэщи, апхуэдэ бгъэдыхьэкIэм и фIыгъэкIэ, зэхьэзэхуэм лъэпкъыбэ щытыкIэр егъуэт, лъэпкъ куэдым щыщ цIыху зэчиифIэхэр къызэщIеубыдэ. Псалъэм папщIэ, мы гъэм екIуэкIа зэхьэзэхуэм хэтащ усакIуэ-тхакIуэу мин зыбжанэ. Абыхэм ирагъыхьа тхыгъэхэм хэплъащ Урысейм и тхакIуэ-усакIуэ, критик нэхъ цIэрыIуэхэр. Апхуэдэу къызэрагъэпэща хеящIэ гупым и тхьэмадэу мы илъэсым щытащ Грибоедов, Чехов сымэ я фIыщIэ медалхэр, Маяковский и фIыщIэ орденыр къызыхуагъэфэща, усакIуэ цIэрыIуэ Бабак Анатолий. ХеящIэхэр хэплъэкIэрэ, усэ мин бжыгъэ ирагъэхьам ящыщу, япэ щIыкIэ къыхахащ «лонг-лист» -кIэ зэджэ къетхэкIым къызэщIиубыда усакIуэ бжыгъэфI. Иужьым абыхэм яхэплъэжри, усакIуэ IэзагъкIэ псоми я нэхъ щхьэжу кIуауэ къалъыта нэрыбги 10 - «шорт-лист»-кIэ зэджэр, къыхахащ. АдэкIэ абыхэми хэплъэжри, зы усакIуэ къыхахыжащ, зэхьэзэхуэм щытекIуауи ягъэлъэгъуащ. Зэхьэзэхуэм хэтхэм ящыщу, зи усыгъэ IэзагъкIэ нэхъыфIу къалъытэу, нэрыбги 10 къыхахам яхэхуащ Бемырзэ Зураби. Пэжщ, адэкIэ къыхахыжу, пашэныгъэр къэзыхьар нэгъуэщIщ - Владимир къалэм щыщ Карменков Петрщ. Арами, Урысейм и мызакъуэу, лъэпкъыбэ зэхьэзэхуэм хэтауэ хъуам я нэхъыфIу къалъыта усакIуи 10-м ди лъэпкъэгъу щIалэр зэрахэхуар куэд и уасэщ. Япэрауэ, урыс лъэпкъым щымыщу, ауэ урысыбзэкIэ усэ зэхилъхьэу, нэхъыфIу къалъыта нэрыбги 10-м яхэтыр Зураб закъуэщ. Адрейуэ хъуам урысыбзэр- я анэдэлъхубзэщ. Зураб адыгэбзэкIи, урысыбзэкIи матхэ. Абы къыщымынэу, и тхыгъэхэр зэридзэкIыу аракъым, атIэ лъэпкъыбзитIымкIи IэдакъэщIэкI щхьэхуэхэр къегъэщI. Дауэ щымытми, урысыбзэр нэхъ дахэу, Iэзэу усэбзэкIэ зэригъэшэрыуэмкIэ абы хузэфIэкIащ езы урысыбзэр зи анэдэлъхубзэ усакIуэ куэдым я щхьэкIэ кIуэн. Зэхьэзэхуэм деж къыхахар зы увыпIэ закъуэщ – япэ увыпIэращ. Адрей усакIуи 9-р финалым икIауэ ялъытэри, я ехъулIэныгъэм и цIэкIэ диплом зырыз къыхуагъэфэщащ. ДрогуфIэ икIи дрогушхуэ ди лъэпкъэгъу щIалэм и ехъулIэныгъэмкIэ. Мы зэманым Зураб и усэхэр ихуагъэххэщ Ищхъэрэ Кавказым и усакIуэ щIалэгъуалэм ящыщу нэхъыфIу къалъытахэм я тхылъ зэхуэхьэса къыдагъэкIам – «Вкус айвы» зи фIэщыгъэцIэм. Абы къыщымынэу, 2013, 2014 гъэхэм Урысейпсом и усакIуэ-тхакIуэ щIалэгъуалэм ящыщу нэхъыфIу къалъытахэм я тхылъ зэхуэхьэса къыдагъэкIахэми Зураб и усэхэр ихуащ. Тхылъищри къыздыдэкIар Москва къалэращ, абдежми презентацэ убгъуахэр щрагъэкIуэкIащ. НэхъыфIыж ехъулIэныгъэхэми хуэкIуэну, ди гуапэу Зураб дохъуэхъу!
Читайте также
Тхыдэ бейм и щIыналъэ
21.08.2015
1029
РЭСПУБЛИКЭ МЫЛЪКУР ФЕЙДЭ ПЫЛЪУ ЗЕГЪЭКlУЭН
16.10.2015
493
Получайте свежие новости на электронную почту
Комментарии