Кавказ зауэм щиухуа махуэм техуэу, Хьэбэз районым хыхьэ Хьэгъундыкъуей (Али-Бэрдыкъуэ) къуажэжьым щекIуэкIащ мыхьэнэ хуабжь зиIэ Iуэхугъуэ. Хьэбэз районым и щэнхабзэ купсэр я пашэу, мурад махуэ кърахьэжьащ. Кавказ зауэм хэкIуэдахэм папщIэ фэеплъ пхъакъуэхэр зэщIагъэнэри, ахэр яIэщIэлъу къуажэ псом пхырыкIа и ужь, Кавказ зауэм хэкIуэдахэм папщIэ дуней псом щыяпэу щагъэува фэеплъ сыным деж зи псэр зытахэм хуэщыгъуащ. Iуэхугъуэм хэтащ Хьэбэз районым и Iэтащхьэм и къуэдзэ Магометов Ренат, Али-Бэрдыкъуэ къуажэм и Iэтащхьэ Иуан Руслан, Хьэбэз къуажэм и Адыгэ Хасэм и тхьэмадэ Даур Мусэ, Хьэбэз районым и щэнхабзэ къудамэм и унафэщI Дзэгъэщтокъуэ Изабеллэ сымэ, Хьэгъундыкъуей къуажэм дэс еджакIуэхэр, щIалэгъуалэр, зи гур лъэпкъым хуэдзакъэ балигъхэр, нэгъуэщIхэри. Iуэхугъуэм нэхъ мыхьэнэ хуабжь игъуэтащ абы хэтам и нэхъыбэр зэрыныбжьыщIэм папщIэ. Сыту жыпIэмэ, абыхэм псэкIэ зэрызэхащIам къыщымынэу, езыхэм я хьэрычэт Iыхьэ халъхьащ зи Хэкумрэ лъэпкъымрэ щхьэузыхь зыхуэзыщIа адэжьхэм я фэеплъым. АтIэ гухэхъуэтэкъэ адыгэ фащэкIэ зэщыхуэпыкIа сабийхэр, ныбжьыщIэхэр, щIалэгъуалэр плъагъуну - лъэпкъ ныпыр яIыгъыу, фэеплъ пхъакъуэхэр Iэтауэ яхьыу, я гумрэ я псэмрэ къапих нэхур мафIэ яIыгъым пэджэжу гупышхуэу ирикIуэу плъагъуну! Хьэгъундыкъуей къуажэдэсхэмкIэ ар хуабжьу теплъэгъуэ телъыджэ хъуащ. Урамыпэхэм щызэхуэсурэ, абыхэм фIыщIэ хуащIащ Хьэбэзи, Хьэгъундыкъуей къуажэми щыщ сабийхэм, балигъхэм. Абы къыщымынэу, зи узыншагъэ къигъэгугъэр гупым хэхьэурэ, фэеплъ сыным нэс ядэкIуащ. Хьэгъундыкъуейм и Щэнхабзэ унэм къыщыщIэдзауэ, Кавказ зауэм хэкIуэдахэм папщIэ ягъэува сыным нэс кIуахэщ Iуэхугъуэм хэтахэр. Пщыхьэщхьэхуэгъазэу, пшапэр зэхэуэгъуэу ежьа гупым я пхъакъуэ Iэтахэм зэщIагъэлыдэ теплъэр нэхъри нэхъ дахэж хъуащ. ГущIыхьэ гъыбзэжьхэмрэ мэкъамэхэмрэ ину ягъэуIуу а псом къыдащIыгъужри, узыфIэмыкIыжыну пшыхь телъыджэ къызэрагъэпэщащ. Фэеплъ сыным нэса и ужь, къызэхусаэхэм зэщIагъэнащ шэху уэздыгъэ 151-рэ, ахэр бжыгъэм и теплъэу зэхэгъэувэжауэ. Сабийуэ, балигъыу къызэхуэсахэр щхьэщысащ шэху уэздыгъэхэм. Иужьым щыгъуэ дакъикъэ ящIащ, лъэпкъым папщIэ зи псэр зытахэм яхуэфэщэн пщIэ нагъэсыжащ. Iуэхугъуэм сабий куэд зэрыхэтам, къуажэм пхырыкI гъуэгу нэхъыщхьэм зэрырикIуам папщIэ, къызэхуэсахэм я шынагъуэншагъэр пщыхьэщхьэ псом яхъумащ Хьэбэз МВД къулыкъум и ГИБДД къудамэм. Нэгъэсауи я пщэрылъхэр ягъэзэщIащ. Мы пщыхьэщхьэм наIуэ зэрыхъуащи, щIэблэм гурэ псэрэкIэ зыхащIэну, я хьэрычэт, къару Iыхьэ халъхьэну хьэзырщ лъэпкъым хуэгъэза сыт хуэдэ Iуэху щхьэпэми. Тхьэм я гулъытэр насыпу къаритыж. Зи фэеплъыр ягъэлъэпIа я адэжьхэр зыхэплъа хьэзабрэ гуауэрэ химыгъаплъэкIэ!
Кавказ зауэм щиухуа махуэм техуэу, Хьэбэз районым хыхьэ Хьэгъундыкъуей (Али-Бэрдыкъуэ) къуажэжьым щекIуэкIащ мыхьэнэ хуабжь зиIэ Iуэхугъуэ. Хьэбэз районым и щэнхабзэ купсэр я пашэу, мурад махуэ кърахьэжьащ. Кавказ зауэм хэкIуэдахэм папщIэ фэеплъ пхъакъуэхэр зэщIагъэнэри, ахэр яIэщIэлъу къуажэ псом пхырыкIа и ужь, Кавказ зауэм хэкIуэдахэм папщIэ дуней псом щыяпэу щагъэува фэеплъ сыным деж зи псэр зытахэм хуэщыгъуащ. Iуэхугъуэм хэтащ Хьэбэз районым и Iэтащхьэм и къуэдзэ Магометов Ренат, Али-Бэрдыкъуэ къуажэм и Iэтащхьэ Иуан Руслан, Хьэбэз къуажэм и Адыгэ Хасэм и тхьэмадэ Даур Мусэ, Хьэбэз районым и щэнхабзэ къудамэм и унафэщI Дзэгъэщтокъуэ Изабеллэ сымэ, Хьэгъундыкъуей къуажэм дэс еджакIуэхэр, щIалэгъуалэр, зи гур лъэпкъым хуэдзакъэ балигъхэр, нэгъуэщIхэри. Iуэхугъуэм нэхъ мыхьэнэ хуабжь игъуэтащ абы хэтам и нэхъыбэр зэрыныбжьыщIэм папщIэ. Сыту жыпIэмэ, абыхэм псэкIэ зэрызэхащIам къыщымынэу, езыхэм я хьэрычэт Iыхьэ халъхьащ зи Хэкумрэ лъэпкъымрэ щхьэузыхь зыхуэзыщIа адэжьхэм я фэеплъым. АтIэ гухэхъуэтэкъэ адыгэ фащэкIэ зэщыхуэпыкIа сабийхэр, ныбжьыщIэхэр, щIалэгъуалэр плъагъуну - лъэпкъ ныпыр яIыгъыу, фэеплъ пхъакъуэхэр Iэтауэ яхьыу, я гумрэ я псэмрэ къапих нэхур мафIэ яIыгъым пэджэжу гупышхуэу ирикIуэу плъагъуну! Хьэгъундыкъуей къуажэдэсхэмкIэ ар хуабжьу теплъэгъуэ телъыджэ хъуащ. Урамыпэхэм щызэхуэсурэ, абыхэм фIыщIэ хуащIащ Хьэбэзи, Хьэгъундыкъуей къуажэми щыщ сабийхэм, балигъхэм. Абы къыщымынэу, зи узыншагъэ къигъэгугъэр гупым хэхьэурэ, фэеплъ сыным нэс ядэкIуащ. Хьэгъундыкъуейм и Щэнхабзэ унэм къыщыщIэдзауэ, Кавказ зауэм хэкIуэдахэм папщIэ ягъэува сыным нэс кIуахэщ Iуэхугъуэм хэтахэр. Пщыхьэщхьэхуэгъазэу, пшапэр зэхэуэгъуэу ежьа гупым я пхъакъуэ Iэтахэм зэщIагъэлыдэ теплъэр нэхъри нэхъ дахэж хъуащ. ГущIыхьэ гъыбзэжьхэмрэ мэкъамэхэмрэ ину ягъэуIуу а псом къыдащIыгъужри, узыфIэмыкIыжыну пшыхь телъыджэ къызэрагъэпэщащ. Фэеплъ сыным нэса и ужь, къызэхусаэхэм зэщIагъэнащ шэху уэздыгъэ 151-рэ, ахэр бжыгъэм и теплъэу зэхэгъэувэжауэ. Сабийуэ, балигъыу къызэхуэсахэр щхьэщысащ шэху уэздыгъэхэм. Иужьым щыгъуэ дакъикъэ ящIащ, лъэпкъым папщIэ зи псэр зытахэм яхуэфэщэн пщIэ нагъэсыжащ. Iуэхугъуэм сабий куэд зэрыхэтам, къуажэм пхырыкI гъуэгу нэхъыщхьэм зэрырикIуам папщIэ, къызэхуэсахэм я шынагъуэншагъэр пщыхьэщхьэ псом яхъумащ Хьэбэз МВД къулыкъум и ГИБДД къудамэм. Нэгъэсауи я пщэрылъхэр ягъэзэщIащ. Мы пщыхьэщхьэм наIуэ зэрыхъуащи, щIэблэм гурэ псэрэкIэ зыхащIэну, я хьэрычэт, къару Iыхьэ халъхьэну хьэзырщ лъэпкъым хуэгъэза сыт хуэдэ Iуэху щхьэпэми. Тхьэм я гулъытэр насыпу къаритыж. Зи фэеплъыр ягъэлъэпIа я адэжьхэр зыхэплъа хьэзабрэ гуауэрэ химыгъаплъэкIэ!
Читайте также
Гъуэгум щызекIуэ хабзэхэр
13.07.2017
423
И щIыналъэрщ и гуащIэ щигъэтIылъырщ
30.06.2015
418
Получайте свежие новости на электронную почту
Комментарии