УЛЛЫ АТАЛЫК КАВГАСЫНЫНЪ ВЕТЕРАНЛАРЫНА - МЕРЕКЕЛИ МЕДАЛЬЛЕР

Карашай-Шеркеш Республикасын йоклавында СКФО-да РФ Президентининъ ваькил элшиси Юрий Чайка эм КЧР Басшысы Раш ид Темрезов Черкесскте яшайтаган Уллы Аталык кавгасынынъ ветеранлары ман йолыгыстылар. Ваькил элши ветеранларга «Уллы Аталы к кавга йылларында Енъуьвдинъ 75 йыллыгы» медальлерди савгалады. Юрий Чайка эм Рашид Темрезов ясы уьйкенлерди келеятырган Уллы Енъуьвдинъ байрамы ман кутладылар, оларга кавга йылларында коьрсеткен йигитликлери уьшин разылыкларын билдирдилер. Шай ишуьвдинъ барысында ветеранлар тек кавга акында тувыл, аьле кавгадан сонъгы йылларынынъ авыр шаклары акында хабарладылар. Олар кыралымызды аяк уьстине салув уьшин эки смена ман куллык эткенлер, Элимиздинъ ярык келеектегине сенгенлер. Ветеран Хамид Абулович Канаматов медальди алаятырганда Совет аьскери савлай аьдем ырувын явдан босатканы эм баьриси де сол зат уьшин разы болганлары акында хабарлады. Х.А.Канаматов ян досы ман бирге Черкесск каласында яшайды. Прибалтика эм Калинин фронтларында байланыс аьскерлерининъ калыбында ротады басшылаган. Аталык кавгасынынъ 2 эм 3 дережели орденлерининъ, эки Кызыл Юлдыз, «Йигитлиги уьшин», «Кенигсбергти алув уьшин», «Ис йигитлиги уьшин» эм тагы да коьплеген медальлердинъ иеси болады. Кавгадан сонъ машина-трактор станциясында ислеген, кадрлар бойынша инспектор, мектепте военрук болып куллык эткен. КПСС обкомынынъ боьлигининъ инструкторы, «Карачаево-Черкесскводстрой» трестининъ боьлик председатели болган. Бу ис орыныннан тийисли тыншаювга шыккан. Клавдия Семеновна Фенева - ефрейтор, Керуьв-Кавказ фронтынынъ калыбында кызмет кылган. Сол вакытка ол аьле экзаменлерди бермеге уьлгирмеген эди. Онынъ аьскерш илик йолы Лугансктан Будапештке дейим оьткен. Аьскерде ол немец самолетлары акында билдируьвлерди совет аьскерлерине еткерип турган. Екатерина Степановна Журавкова фашист концлагерьлерининъ аьвелги туткыншысы болады. Ол Караш ай-Ш еркеш ерине 1966 йылда коьшкен, Черкессктинъ туьрли предприятиелеринде ислеген. Михаил Александрович Бобрышев 74 стрелоклар полкынынъ калыбында согысларда катнаскан. Каты согысларда аьскерши авыр яраланган. Ол Кызыл Юлдыз ордени мен эм 8 медаль мен савгаланган. Тийисли тыншаювга шыкканшага дейим РТИ заводында каравыллав службасын басшылаган. Надежда Павловна Попова кавга йылларында разведка аьскеринде кызмет кылган. Тамада сержанттынъ мертебеси болган кыскаяклы Кызыл Юлдыз ордени мен, «Йигитлик уьшин», «Кавказды коршалав уьшин» медальлер мен савгаланган. Рамазан (Саша) Хаджимович Хежевти, оьзге блокадашы балалар ман бирге 1942 йылда Бесленей авылыннан аьел алган. Аьелдинъ ясы уьйкени яшавдан кешкен заманда, яс куллык этип баслаган, аьелдинъ асыравшысы болган. 1976 йылда ол Черкесскке коьшкен, транспорт предприятиесинде куллык эткен. Ол ис ветераны болады. Карашай-Шеркеш Республикасында буьгуьнги куьнге Уллы Аталык кавгасынынъ 114 ветераны яшайды, олардынъ 87-си - фронтшылар эм сакатлар, 1677 - тыл куллыкшылары, 163 ветеранлардынъ тул хатынлары. КЧР Басшысынынъ эм Правит ельст в осынынъ пресс-службасы.