ТЫ НЫ Ш ЛЫ КТЫ САКЛАВ - ОРТАК БОРЫ Ш Ы МЫ З

Курал айынынъ 21 куьни нде Адил-Халк авылынынъ тоьсинде Кавказ кавгасы кутылганлы 155 йыллыгына багысланып, митинг озды. Онынъ куллыгында КЧР Халк Йыйынынынъ (Парламентининъ) аграрлык политика, табиат мырсатлары эм тоьгерек якты саклав бойынша комитетининъ председатели Наталья Власенко, республикамыздынъ Парламентининъ экономикалык политика, бюджет, финанслар, налоглар эм эпшиллик бойынша комитетининъ председатели Адам Гочияев, КЧР миллетлер ислери, коьлемлик коммуникациялар эм баспа бойынша министри Мурат Хапиштов, Ногай муниципал район администрациясынынъ басшысы Энвер Керейтов, «Эркен-Шахар секер заводы» ООО-сынынъ директорлар Советининъ председатели Рамазан Бердиев, «Русь» ямагатшылык козгалысынынъ Ногай районында элшиси Татьяна Керейтова, авыл басшылары Каплан Керейтов, Магарбий Хубиев, Эркин-Шахар поселок администрациясынынъ басшысы Валерий Карасов, Адыге-Хабль эм Ногай районлар ара аьскершилик комиссарынынъ борышларын толтырувшы Тахир Бодраков, мектеплердинъ эм балалар бавларынынъ басшылары эм куллыкшылары катнастылар. Амалламады А. Уракчиев атлы Адил-Халк авыл мектебининъ педагог-организаторы Анжела Мижева юргистти. - 1994 йылдан алып аьр йыл сайын да 21 куралда Карашай-Шеркеш Республикасынынъ баьри халкларынынъ да элшилери Кавказ кавгасынынъ курманлыкларын эскермеге йыйыладылар. Кавга коьплеген йылларга созылган. Онынъ неше йыл болганын аьлимлер соьлеге дейим де тергейдилер. Турция ман Россиядынъ арасында болган кан тоьгисли кавга Кавказдынъ халкларына кайтарып болмастай зарарын аькелген. Россиядынъ халкларында ортак бакты эм келеектегиси де ортак. Бизим оьрленуьвимиздинъ куьши тек бирликте эм анъламлыкта болады, - деп баслады соьV " ТЫ НЫ Ш ЛЫ КТЫ САКЛАВ - ОРТАК БОРЫ Ш Ы МЫ З зин Анжела Александровна. Россия Федерациясынынъ эм Караш ай-Ш еркеш Республикасы нынъ гимнлери тоьгеректи бийлеп занъырадылар. Эркин-Шахар поселок мешитининъ имам-хатыбы Юсуф-аьжи Хапиштов йыйылганларга дува эттирди. Амалламады юргистуьвши КЧР миллетлер ислери, коьлемлик коммуникациялар эм баспа бойынша министри МуратХапиштовка соьзди берди. - Сыйлы ердеслер! 1994 йылдан алып аьр йылда да 21 куралда Керуьв Кавказдынъ халклары, аьдетинше, Кавказ кавгасынынъ курманлыкларын эскередилер. Бу коьп йылларга созылган кавга юзлеген мынъ кыралдасларымызга - адыгларга, абазаларга, ногайларга, казакларга эм баска халкларга уьйкен йойымларды аькелген. Россиядынъ санында тавлы халклар оькиметлик курылыска, социал-экономикалыкэм культуралыкоьрленуьвге амаллар тапканлар. Бизим бавырдасларымыз Россиялык саясатынынъ, маданиятынынъ, илмисининъ, билимлендируьвининъ, спортынынъ оьрленуьвине оьзлерининъ номай косымларын киргисткенлер. Биринши дуныялык эм Уллы Аталык кавгаларынынъ шакларында тавлылар ман казаклар ортак элимиз уьшин эрлерше согысканлар, ис эм аьскершилик енъуьвлерге оьмир бойы бирге куванып келгенлер. Карашай-Шеркеш Республикасынынъ басшылыгынынъ атыннан мен сизге тынышлыкты эм шешекейленуьвди сагынаман, - деди Мурат Азаматович. КЧР Халк Йыйынынынъ (Парламентининъ) аграрлык политика, табиат мырсатлары эм тоьгерек якты саклав бойынша комитетининъ председатели Наталья Власенко да ойлары ман боьлисти. - Не кадер йыллар озсалар да, Кавказ кавгасы халктынъ эсинде турады. Буьгуьн биз оьз яшавларын аямай, тувган юртты коршалаган аьдемлерди эскеремиз, олар алдында басымызды тоьмен иемиз. Халклардынъ тарихинде мундай кавгалар бир де кайтараланмасынлар, - деди Н. Власенко. Митингтинъ катнасувшыларына каратылган сагынувларын Ногай муниципал район администрациясынынъ басшысы Энвер Керейтов айтты. - Куьнинъиз яхшы болсын, митингтинъ абырайлы катнасувшылары! Буьгуьн биз Кавказ кавгасынынъ курманы болган мынълаган аьдемлерди эскермеге деп эстеликтинъ алдында йы- йылганмыз. Сол авыр кавга кутылганлы 155 йыл озды. Биз буьгуьн сол йылларда болган ислерди эскерип, басларымызды тоьмен иемиз. Йыллар бир-бирин авыстыра берип барадылар, несиллер авысадылар, ама кавга болган шаклар халктынъ эсинде турадылар. Кан тоьгисли кавга юзлеген мынъ кыралдасларымыздынъ: адыглардынъ, абазалардынъ, ногайлардынъ, казаклардынъ эм баска миллетлердинъ элшилерине уьйкен йойымларды аькелген. Болса да, бизим ата-бабаларымыз ийги аьдетлеримизди сакламага куьш тапканлар. Кавказ кавгасында эки уллы империя арасында базласув болган заманда, халк оьз сайлавын эткен эм бактысын Россия ман байланыстырган. Буьгуьнде де эткен сайлавына алал болып калады. Карашай-Шеркеш Республикасынынъ эм савлай Керуьв Кавказдынъ халклары Россия миллетлерининъ кардашлык аьелинде наьсипликке эм шеш екейленуьвге сенимди тапканлар. Аьлиги заманда Карашай-Шеркеш Республикасынынъ Басшысы Рашид Темрезовтынъ аьр яклы демевлеви аркалы миллет тиллери эм аьдетлери, оьрленип барадылар. Тек дослык эм анъламлык, конъысы халклардынъ аьдетлерин сыйлав аркалы биз оьзимиздинъ келеектегимизди яхшы этпеге болаякпыз! - деди, соьзин тамамлай келип, Энвер Рамазанович. Оьз эскеруьвлери мен «Русь» ямагатшылык козгалысынынъ Ногай районында элшиси Татьяна Керейтова, Икон-Халк авылынынъ «Эльнур» балалар бавынынъ басшысы Фатима Джемакулова боьлистилер. Иыйыннынъ барысында йыйылганлар Кавказ кавгасында ошагымыз уьшин янларын кызганмай берген аьдемлерди бир такыйка уьнсизлик пен эскердилер. А. НАЙМАНОВ