н
юртымыз - Карашай-Шеркеш Р еспубликасы эм
онынъ бас каласы - Черкесск оьзининъ тувган
куьнин белгилеек.
Дуныядынъ энъ ярасык
ерлерининъ бириси - Карашай-Шеркеш Республикасы
оьзининъ аьлемет табиаты
ман, ясыл куьйизли орманлары ман, бийик ак карлы
тавлары ман, коьк туьсли
коьллери мен эм йылгалары ман бир неше оьмирден
бери кыралымыздынъ эм
аьле тыс кыраллардан да
аьдемлерди оьзине тартады,
язувшыларды, шайирлерди,
суьвретшилерди яратувшылыккадаьврендиреди,оьзининъ ярасыклыгы ман аьр
кимнинъ юрегинде суьювликти тувдырады.
Энъ маьнелиси - республикамызда 80-нен артык
миллетлер оьмирлер бойы
дослыкта, татымлыкта яшап
келеятырлар. Элимизге кыйын шакларда баьриси де,
бир аьелдей болып, явдан
коршалавга турганлар. Кавгадан сонъгы йылларда юртымыздынъ яшавшылары
тынышлы яшавды курып,
оны аяк уьстине салганлар,
оьрлендируьв уьшин коьп
куьшлерин салганлар. Соьлеги заманда республикамыз Керуьв Кавказдынъ эм
Россиядынъ тебенли оьрленетаган субъектлерининъ
бириси болады.
Республикада авыл хозяйство, промышленность,
социаллык эм оьзге тармаклар ман биргесине сонъгы
заманларда туризм де белсинли оьрленеди. Кыралымыздынъ эм юртымыздынъ
басшылыгы республикамызда туризмди, курортларды
оьрлендируьвге коьп амаллар этеди. Мунда курортлардынъ - Домбайдынъ, Архыздынъ инфратуьзилиси де
соьлеги замангы талапларга
яваплайды, соннан себеп
туристлердинъ саны йылдан-йылга оьсип барады.
Юртымыздынъ яшавшылары эм конаклары тав спорт
туьрлилери мен(альпинизм,
сноубордларда, тав аяк-шаналарда кыдырув), ат туризми мен кызыксынадылар.
Оннан баска тав юртларында спорттынъ экстремаллы
туьрлилерин суьювшилер
дельтапланда, парапланда
ушпага, оьзлерининъ болымлыкларын рафтингте
(тав сувыннан кеме мен
юзуьвде), джиппингте (енъил
автокоьликлерде) сынамага
боладылар. Суьйткенде, юртымызда Савлайроссиялык
сынаслар да уйгынланадылар. Келеекте юртымыздынъ
табиат байлыкларын, таза
эмлевши авасын, пайдалы минерал сувларын эске
алып, бальнеологияды да
оьрлендируьв карарланады.
Республикамыздынъ юртында Европада энъ уьйкен
Айырым астрофизикалык
обсерватория орынласады.
Мунда аьлимлер-астрофизиклер «юлдызлар дуныясын» тергейдилер, илмилик
тергевлерин озгарадылар.
Архы зды нъ юртында
бурынгы тарихлик маданият асабалыклары - Тоьмен-Архыз, Алан эм оьзге
храмлар орынласадылар.
Бу ерлерди де туристлер
уьйкен кызыксынувлык пан
йоклайдылар.
Домбай, Теберда курортлары да юртымыздынъ ынжы тасларындай аьлемет
ярасык ерлери боладылар.
Олар да дайым туристлердинъ кызы ксы нувлары н
тувдырадылар. Тебердада
орынласатаган табиат заповеднигинде айлак сийрек
расатаган, кыралымыздынъ
Кызыл Китабына киретаган
айванлар эм куслар бар.
Юртымыздынъ тагы да
бир аьлемет ери - ол Медовые водопады. Мунда да
аьлемет табиат коьринислери туристлерди оьзине
тартадылар.
Суьйткенде, республикамыздынъ аьр бир муьйиси
оьзиншеликли эм кызыклы.
Орманлары эм тогайлыклары, сувлары эм йылгалары,
тавлары эм данъыллары
- йылдынъ кайсы шагында
да коьздинъ явын аладылар.
Республикамыздынъ бас
каласы - Черкесск Кобан сувынынъ онъ ягасында орынласкан. Онынъ тарихи 1825
йылдан басланады. Баслап
ол Баталпаша станицасы
кебинде уйгынланган. 1931
йылда калага Баталпашинск
деп аталган. Оннан сонъ каладынъ аты бир неше кере
туьрленген. 1939 йылдан
алып калага Черкесск деген
ат берилген.
Черкесскте субъект туьзуьвшен халклар - орыслар,
карашайлар, ногайлар, шеркешлер, абазалар эм тагы
да онлаган миллетлердинъ
элшилери яшайдылар, суьйикли калады оьрлендируьвге коьп куьшлерин саладылар. Дослык стеласы халклар ара татымлыгынынъ,
дослыгын, кардашлыгын
белгилейди.
«Ясыл арал» тыншаюв-маданият паркы кыралымыздынъ тыншаюв ерлерининъ энъ ийгилерининъ
санына киреди. Мунда балалардынъ да, ясы уьйкенлердинъ де тыншаювлары
уьшин коьп амаллар карарланадылар.
Сонъгы йылларда каладынъ коьринислери, орамлары сезимли туьрленгенлер, кала республикалык
орталыгынынъ статусына
келисли этилген. Онлаган
социаллык объектлер курыладылар, яшавшылардынъ
тыншаювлары эм онъайлыклары уьшин коьп затлар
этиледилер.
Карашай-Шеркеш Республикамыздынъ эм Черкесск каласынынъ куьни мен
байланыста баьри яшавшыларга тынышлыкты, аьеллерде наьсипти, берекетти,
юртымыздынъ арбатынгы
шешекейленуьвин эм
Получайте свежие новости на электронную почту
Комментарии