Краснодар город йакIвшаз джиу-джитсула анкъвакъвра йалаз хIспортсменква цмедалькI гIатыргатI. «Победа» спорт
апхьарта ахьызла ауаъа
тшгIазырбаз ХЪАГIВАТ
Мурат «Синие пояса»
дивизион апны амедальква дырзабакIуата йгьызным дъадзабакIыз. Ари
агвып апны анйараква
йшгIадырбазла, Мурат
апхъагыларакI гIатигатI.
Ауи амщтахь анйара апны йгIвбахауа агыларта
йкIытI. УадыргIвана данабакIы йхпахауа агыларта гIван йатагIатигахтI.
«Белые пояса» дивизион апны аспортсмен
КIЬЫЩМАХВА Тимур
килограмм 76 зхIатлару
руацIала йгIвбахауа йгьи
йхпахауа агылартаква
гIайквнадыргатI. Джиуджитсула Краснодар йхътIу анкъвакъвра агIарбараквала Мурати Тимури
йшалу цмедалькI гIатыргатI. Ауат йрыуата Мурат
йгIайыхъвдарцIаз амедалькI хьапщпI, азакIы
рызнапI, арахьарат агIвба джьаз медальпI. Тимур
йчIвква арызна акIвымкIва, арахьарат йхпахауа
агыларта ахъазла йгIайыртыз медальпI. Арат
аспортсменква анкъвакъвраква йырзирыхIазыритI
абжьагIвы КУБАНОВ Азамат.
Анкъвакъвра пхатшаква рпны хIреспублика
ахьыз зыргауа аспортсмен шIаква йгьи асабиква рызгIвадара рыбагъьара, афизкультури аспорти йрыдкIылата ргIадзныргылра къару ду алазцIауа ргIатгараквала хIрайхIвахIвитI. ЗгIвадара багъьа рымата йанакIвызлакIгьи рмурадква гIардахIвыргIатI.
Получайте свежие новости на электронную почту
Комментарии