Асквш 2016, август а 28
Учкекен йтагылу акультура Тдзы йакIвшаз Къарча-Черкес Республика
а-Хъада Темрезов Рашиди КъарчачкIвын район
абзазагIвчви ранйара апны дгIачважвауата КъарчачкIвын муниципальна
район администрация
ахъада БАЙРАМУКОВ
Рамазан араса йгIаликIгIатI: «Точка роста» арыпхьара квтата гIвба – Терезе йгьи Учкекен апхьартаква рпны йгIахъыртIытI.
Ауат «Технология», «Информатика» йгьи «ОБЖ»
нархараквала апхьагIвчва ртшауацIыхра йазынхуштI. Арыпхьара квтаква ужвыгьи хвапхьартакI рпны йгIахъыртIырныс ргвыгъапI».
«УыжвгIанчIви апхьарта» федеральна проект
апкъ йтата, асквш 2020
агIан Къарча-Черкес апны «Точка роста» арыпхьара квтата 42 гIахъыртIытI. СынчIвагьи «Точка
роста» квтаква ргIахътIра сентябрь а 14 хIреспублика агородква, акытква йаныргIалу апхьартата 26 рпны йакIвшатI.
КъарчачкIвын районла
«Точка роста» Квта ъагIандыршаз йаланакIтI
Учкекен й-11-хауа, Къзылпагвын йгьи Кълыч Рауф йыхьыз нкъвызгауа
Красна Восток аквтанай
апхьартаква.
Кълыч Рауф йыхьыз
нкъвызгауа аквтанай апхьарта йакIвшаз, «Точка
роста» Квта агIахътIра йазынархаз агвыргъьахъв
дгIадгылтI КъарчачкIвын
муниципальна район арыпхьарала ахъвшара аъачIвагIагIв хъада ЭРКЕНОВ Асламбек. Агвыргъьахъв гIахъитIуата бжьарала апхьарта адиректор лцхърагIагIв БЕЖАН
Борис Сольман йпа
зымгIвагьи пхата драйхIвахIвтI. ЙгIайззаз арыпхьарала Россия Федерация аминистр КРАВЦОВ
Сергей «Точка роста»
Квта агIахътIрала йтшазынархара видеосвязьла йаздзыргIвытI.
АпхьагIвчва Огвыз Ансар йгьи Тебердыкъва
Амина «Точка роста» Квта
асабиква рыхъазла магIныта йаму йауацIыхта
йгIаквчважватI, зымгIвагьи авидеороликква йырпшырныс лшара раутI.
– УахьчIва хIапхьарта
апны «Точка роста» Квта
ъагIахъыртIуа швабыжта
хIайгвыргъьитI, ауи хIуачIвымш рыцIагьи йшбзихуш, адахIвраква хIшырзычIвырхъуш йазхъахIцIарныс лшара гIахIнатитI. Апхьарта йгIайуа
асабиква «Физика», «Химия» йгьи «Биология»
предметквала дырра цIола рауаштI. Апхьарта йхпахауа аэтаж апны гIвкабинеткI – азакIы квадрат
метрта 40, йгIвбахауагьи
квадрат метрта 41 йнадзауата йхIрыхIазыртI.
Кабинетипхьадза апны
20-гIвы апхьарныс, алабораторна нхараква акIвдыршарныс лшара рауаштI. Асабиква физикала
йрыдынхалуаш Биджиева Любовь РакIай йпхIа,
биологияли химияли апхьара сахIатква зырцуш
Нагай Зурида Амин йпхIа арыпхьагIвчва рдырра йъаладырхIауа аинститут апны йазалхыз акурсква йырхъыстI, арыпхьара адгалрала йгьи анхага шIыцква ргIарысабапрала йатахъу дырра рымапI. Швабыжта сырзыразпI «Точка роста» Квта
гIахъыртIырныс йацхърагIаз. Апхъахьыла акабинетква йатахъу аъамапсымаквала абгата
йшадыргалуаш йазхъасцIитI. Ауи арыпхьара швабыжта йацхърагIуштI, –
лхIватI апхьарта адиректор ДЖЬМАКЪВЫЛ Басира Лиуан йпхIа.
КъарчачкIвын муниципальна район арыпхьарала ахъвшара аъачIвагIагIв хъада Эркенов Асламбек «Точка роста»
Квта магIын ду шаму,
асабиква шаднакIылуаш,
рдырраква йшрыланархIуш гIаликIгIатI.
– УахьчIва йгIахъхIтIуа
«Точка роста» Квта агIаныршара йацхърагIаз
арайон унашвахъцIарта,
йазалырхыз акабинетква
радгалра зкъару алазцIаз апхьарта адиректор, ауи лцхърагIагIвчва,
арыпхьагIвчва, апхьагIвчва швабыжта сшвзыразпI. Араъа дырра цIола
зауа йапшым йхIаракIу
аъачIвагIа гIацIгартаква
рпны йагъьу йшрыуазлуш йазхъасцIитI. Саби
гвыбзыгъа щарда арат
агIвкабинеткI йгIаджвылцIыргIатI, хIызладухуш уагIа пшдзата йалыргIатI, –
лхIватI ан-абачва рыхьызла йгIачважваз Нагай
Зурйат.
АпхьагIв хвыц Джьмакъвыл Алина апсарт рнапIыцIалцIатI алентIа къапщы пыркъырныс зквнадыргаз асас Эркенов Асламбек йгьи Джьмакъвыл
Басира. Агвыргъьахъв
йгIадгылыз асасчвагьи,
арыпхьагIвчвагьи, апхьагIвчвагьи йлашару, пшдзата йадгалу акабинетква
кьазула йырнашылтI, адгалща дырхъвыхтI.
– Арат ачкIвынчва ракъыль швабыжта йцIарапI,
йдуырбауа зынла йрыларкIитI, – лхIватI физика
кабинет унашва ахъызцIауа Биджиева Любовь
РакIай йпхIа ахъышвла
йгылата аргIапсга шIыц
зырхъвыхуаз Огвыз Ансар, Айсан Амиран йгьи
Аджьбакь Артур дырзыразта.
Химия йгьи биология
предметквала арыпхьагIв
Нагай Зурида Амин йпхIа
алабораторна нхараква
злакIвдыршуш ауыжвгIанчIви ъамапсымаква
ргIарысабапща дшазъазу уылаухIвауата, йалыргата зымгIвагьи ахалыргIвазатI.
Араъа закI гIалскIгIара стахъыпI. АгIвкабинеткI ъану апхьарта йхпахауа аэтаж апны йаныргIалпI «Музей боевой
славы», амамыр бзазара гIазхчаз хIкытлагIвчва
рсуратква, ауат йгIарыквчважвауа агIвыраква.
– Азалгьи, акабинетквагьи ранылгIалра апны арыпхьагIв Огвыз Разйат Тальы йпхIа цхърагIара ду ъагIанлыршаз
хIылзыразпI, – йхIватI
бжьарала апхьарта адиректор лцхърагIагIв Бежан Борис Сольман йпа.
Кълыч Рауф йыхьыз
нкъвызгауа Красна Восток кыт аквтанай апхьарта арыпхьагIвчвагьи апхьагIвчвагьи шIыцта рбзазара йгIалалыз «Точка
роста» уыжвгIанчIви цифра йгьи гуманитар кабинетква ргIахътIра азгIашыкъра шгIарыланацIуш,
азаман йаквыргIапсу адырра цIолаква йырзычIвырхъарныс лшара шгIаннаршуш йазхъахIцIитI
Получайте свежие новости на электронную почту
Комментарии