терроршылыкты профилактикалав мыратта

Н о г а й м у н и ц и п а л районынынъ белсинли аьрекетшилери мен йолыгыста экстремизмди эм терроршылыкты профилактикалав соравлары тергелдилер. КарашайШеркеш Республикасынынъ Басшысы Рашид Темрезовтынъ токтасы ман келисте, яс-явка арасында экстремизмди эм терроршылыкты профилактикалав бойынша ис бардырылады. Амалламада КЧР Правительствосынынъ, муниципал районынынъ, право саклав органларынынъ, дин организацияларынынъ элшилери, авыл яшарлык юртлардынъ басшылары, билимлендируьв эм спорт организацияларынынъ етекшилери ортакшылык эттилер. Амалламады аша келип, Россия МВД-нынъ КЧР бойынша экстремизмге карсы Орталыгынынъ басшысынынъ орынбасары Марат Абазалиев йыйылыстынъ темасынынъ, онынъ ведомстволар ара озгарылув кебининъ эм бу куллыкта дин конфессияларынынъ элшилерининъ катнасувларынынъ маьнелигин белгиледи. КЧР миллетлер ара, коьлемлик коммуникациялар эм баспа бойынша министрининъ орынбасары Сергей Гузкодынъ белгилевинше, яс-явка арасында экстремизмди профилактикалавда маьнели орынды районнынъ ямагатшылыгынынъ элшилери, белсинли яшав караслары болган яшавшылар тутадылар. Ол дин куллыкшыларына бу йоьнелисте куллыкты озгарувлары уьшин разылыгын билдирди. Ойларды тергевдинъ барысында сосындай амалламаларды районнынъ билимлендируьв учреждениелерининъ йогары классларынынъ окувшылары ман озгарувдынъ амалын карастырмага кереги акында айтылды. Йолыгыстынъ ызында ойларды эске ала келип, яс-явкадынъ арасында экстремизмди яйылдырувды профилактикалав мыратта право саклав органларынынъ эм ямагатшылыктынъ биргелес ислесуьвлерин уйгынлав уьшин бир кесек амалларды карастырмага кереги акында токтас алынды.