СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ТЕРРОРШЫЛЫККА КАРСЫ

08.07.2016 1248
ТЕРРОРШЫЛЫККА КАРСЫ

Аьлиги заманда Керуьв Кавказ республикаларында экстремистликтинъ эм терроршылыктынъ соравларына айырым эс бередилер. Экстремизмнинъ идеологиясына кайтип карсылык этпеге болаяк? Сол эм тагы да коьп баска маьнели соравларды туьнегуьнлерде Черкесск кала мэриясында озган йыйында коьтердилер.

Онынъ куллыгында кала Думасынынъ председателининъ орынбасары Иналь Гашоков, ерли Думадынъ дайымлык аьрекетлейтаган комиссиясынынъ социаллык соравлар бойынша председатели Александр Планкин, КЧР бойынша МВД-дынъ экстремизмге карсылык этуьв орталыгынынъ басшысынынъ орынбасары Марат Абазалиев, Черкесск кала мэрининъ маслагатшысы Александр Передерий, ямагатшылык организациялардынъ председательлери катнастылар.

Йыйынды кала Думасынынъ председателининъ орынбасары Иналь Гашоков юргистти. Энъ алды ман Иналь Хусинович йыйылганларды тергелмеге керек соравлар ман ювык таныстырды эм биринши сорав бойынша – яс-явкадынъ арасына киретаган экстремистлик эм радикаллык идеологиялардынъ тамырларын йок этуьв уьшин кайдай амаллар карастырылатаганлары акында толы билдирди.

Йыйыннынъ куьн йосыгына тергелуьвге шыгарылган соравлар бойынша оьз ойлары ман Инальаьжи Хубиев, Керуьв Карашай-Шеркеш округынынъ Благочинныйы Протоиерей Александр Нартов, осетинлердинъ «Фарн» КарашайШеркеш регионлык ямагатшылык организациясынынъ председатели Олег Хетагуров, «Адыге-Хасэ» ямагатшылык организациясынынъ председатели Мухамед Черкесов боьлистилер.

Марат Абазалиевтинъ айтканынша, буьгуьнлерде Карашай-Шеркеш Республикасынынъ эки юзге ювык яшавшысы Сирия кыралында эм кавгаларда катнасадылар. Осетинлердинъ «Фарн» ямагатшылык организациясынынъ председатели Олег Хетагуров та сондай кавгага кеткен осетин аьдемлери акында айтты.

– Совет йылларында аьел институты болган. Ана балаларды оьстирген, уьйди караган, аталары аьелди асыраган. Соьле ана куллык этеди, ата куллыксыз олтырады. Балалар да оьз аьлинше кешинедилер, – деди Александр Нартов.

Терроршылык эм экстремистлик ислерди профилактикалав сосындай кыйынлы аьллердинъ сонъалыкларын тайдырувдан эсе коьпке енъил. Суьйткенде, яс-явкады туьзилген ийги аьдетлер мен келисте тербиялав дин куллыкшыларына тапшырылган.

Сосы темага багысланып, республикамызда коьп амалламалар озгарыладылар, оларда дин аьрекетшилери эм право саклав органларынынъ куллыкшылары йыйылган яс оьспирлерге ислам тынышлыктынъ дини экени акында хабарлайдылар.

Кала Думасынынъ дайымлык аьрекетлейтаган комиссиясынынъ бу йылдынъ экинши яртысына социаллык соравлар бойынша куллык планын беркитуьв акында Александр Планкин толы билдирди.

Черкесск кала мэриясынынъ куллыкшылары экстремистликтинъ эм терроршылыктынъ идеологиясына карсылык этуьв бойынша алдыда тагы да ашык с оьйлесуьвлерге аьзир экенлерин билдирдилер, тек оькиметтинъ эм ямагатшылыктынъ ортак куьш салувлары аркалы соравларды шешпеге болаякларына сендирдилер

1248 просмотров
Источник: riakchr


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный