СЫНАСЛАР КЫЗЫКЛЫ ОЗДЫЛАР

Быйылдынъ етинши июлинде Карашай-Шеркеш Республикасында тавга йоргалав бойынша Савлай- россиялык фестиваль басланды. Сынасларда Рос- сия Федерациясыннан эм Украинадан юзден артык спортшы катнасты. Сосы амаллама Карашай-Шеркеш Республикасын уйгынлавдынъ 25 йыллык мерекесине эм Россия Фе- дерациясынынъ юртында тавга йоргалавды спорттынъ официаллы туьрлиси деп танылганынынъ 70 йыллыгына багысланды. Фестиваль Домбай кубогыннан басланды. Аьдетинше, сынаслар Тебердада оздылар. Бу турнирде спортшылар туьрли бийиклиги эм коьтерилмеге авырлыгы болган каяларга йоргаладылар. Фестивальдинъ экинши шериги Домбайдагы искусстволы рельефте (скалодром) озды. Спортшылар уьшин уьйкен экскурсиялык программа да туьзилген эди. Онынъ калыбында тавга йоргалавшылар Теберда заповедниги мен таныстылар, Карашай-Шеркеш юртынынъ бальнеологиялык булакларын йокладылар