С а ь р с е м б и
куьн, 18 июльде
«РусГидродынъ»
Карашай-Шеркеш
филиалы Архыз
п о с е л о г ы н д а
София сувында
кезуьвли «оБЕРЕГАй»
саваплык
экологиялык акцияды
озгарды.
Карашай-Шеркеш
Республикасынынъ
аьлемет ярасык
муьйиси акцияды
озгарувдынъ ери
кебинде сайланувы
босына тувыл. Мунда
йыл бойы коьлем
санлы туристлер
тыншаядылар. Язда
болса, тоьгеректи
палаткалык
лагерьлер бийлейдилер,
ахыр-туьрли товарларын
саьвдегерлер тизедилер,
язгы кафелер аьрекетлеп
баслайдылар. Эм ер-ерде
тасланган бос сисе,
ас калдыклары, кагыт эм
целлофан пакетлери коьринедилер.
Акциядынъ катнасувшылары
«Яс турист» палаткалык
лагерьде тыншаятаган
балалар эм яс
оьспир тавлы сувдынъ
бойыннан кырк шувалга
ювык тасламкы затларды
йыйдылар.
Энъ коьлем тасламкы
затларды йыйган ыхтыярлар
отрядлары, сондай
болып аьлемет затларды
тапканлар «РусГидродынъ»
Карашай-Шеркеш
филиалынынъ дипломлары
ман эм савгалары
ман белгилендилер.
Балаларды косымша
билимлендируьв
орталыгынынъ педагогы
Индира Баисова
белгилегенинше,
«оБЕРЕГАй» Орталыктынъ
экологиялык
билимлендируьв
программасынынъ
айырылгысыз кесеги
болган. «Балалар
оны саклайдылар,
маьнелигин анълайдылар
эм сувлардынъ
бойларын тазалавда
суьйип катнасадылар»,
– дейди ол.
Получайте свежие новости на электронную почту
Комментарии