Карашай-Шеркеш
Республикасынынъ Правительство уьйининъ
уьйкен йыйылыслар залында «Исти коршалав
балалардынъ коьзлери
мен -2018» республикалык балалар суьвретлер
конкурсынынъ енъуьвшилерин савгалав озды.
«Исти коршалав балалардынъ коьзлери мен -
2018» конкурсы экинши йыл
озгарылады эм ога уьйкен
эс бериледи. Озган йылда
конкурстынъ енъуьвшилерининъ куллыклары савлайроссиялык конкурска йиберилгенлер. Сондай болып,
сол суьвретлер Сочиде аьр
йыл сайын озгарылатаган
исти коршалавдынъ юмалыгында коьрсетилгенлер. Бу
йылда да ийги суьвретлер
Сочиде коьрсетилееклер.
Конкурста 400-ден артык бала, сонынъ санында билимлендируьв эм художестволы
мектеплердинъ окувшылары
да катнасканлар.
«Балалар оьзлерининъ
суьвретлеринде мектепте
тыншаюв вакытларында кавыфсызлыкты, дерислерде,
йолды оьтуьвде оьзлерин
дурью тутувды, ата-аналарынынъ куллык этуьвлерин
коьрсеткенлер»,- деди КЧР
ис эм социаллык оьрленуьв
министрининъ орынбасары
Ольга Прыгунова. Сондай
болып ол исте кавыфсызлыкты тутувдынъ маьнелигин балаларда кишкейден
алып кеплестирмеге керегин
белгиледи.
Конкурстынъ тамамлары
бойынша жюри туьрли номинацияларда 33 енъуьвшиди
белгиледи. Сайлавларды озгарув енъил болмады, неге
десенъ конкурска 428 куллык
аьзирленген эди. Енъуьвшилер эки куьпте - 7-9 эм 10-15
ясларындагылар арасында
эм «Келеекке абыт», «Ис кавыфсызлыгы балалардынъ
коьзлери мен», «От шыгув
кавыфсызлыгы», «Креативли карас» номинацияларда
аталдылар. Енъуьвшилер
торжестволы аьлде грамоталар ман, медальлер
мен эм эстеликли савгалар
ман белгилендилер. Ольга
Прыгунова КЧР ис эм социаллык оьрленуьв министри
Анзор Охтовтынъ эм оьзининъ атыннан балаларды
енъуьвлери мен кутлады эм
алдыда янъы етимислерди
сагынды.
Получайте свежие новости на электронную почту
Комментарии