Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

СУРАТИПХЬАДЗА ТУРЫХКI АПЩЫЛАПI

15.02.2019 311
СУРАТИПХЬАДЗА ТУРЫХКI АПЩЫЛАПI
Къарча-Черкес Республика акъральыгІва псабара музей апещква рыуа закІ апны гІарбара джьащахъва акІвшитІ. Асурат галерея аунашвачпагІв Джьандар Нафисат йшылхІвазла, «Портрет» зхьзу агІарбара асквш 2016 йгІашІарышвта йдрыхІазыруан, ауаса йапшым ашвхІаусыгІваквала йакIвдыршарныс гьрылымшузтІ. ЙгІахъыртІыз агІарбара зыхьыз Къарча-Черкесла йахъазымкІва йбергьльу аршІыйагІвчва йрыуата 28-гІв йыргІвыз суратта 100 гІадыргалтІ. АгІарбара агІахътІра йалан РФ асуратчпагІвчва р-Союз йалу ХІАГІВЫНДОКЪВА МухІамад, МИЖЕВ Умар, ДАНАШЕВ Мусса, ХЪИБЛЬАХЬ Зоя, БОРЛАКОВ Мекерумар, аскульптор ЗОРМАНБЕТОВ Кошали. Апортретква лахІвара пшдзата йгІарыланацІазла ргвгІанаграква рхІватІ Россия агІвгІвчва р-Союз йалу ауысагІвчва МАМЧУЕВА Дина йгьи СИДАХМЕТОВА Фарида. Ауат йшгІалыркІгІазла, апортретква рпны йану хІхаквлагІвчва рсуратква зырхъйаз аршІыйагІвчва швабыжта йгІардахІвтІ. Ухъа рыламдухушта йгьаъам зыхьыз бергьльу хІсуратчпагІв Хъибльахь Зоя агІарбарта йгІадылгалыз лсуратква. Ауат йрыуапІ агІвгІвы Дагвжвей МухІадин, ауысагІвчва Щыбзыхва Лариса, ЛагІвычв Джьамльадин, «Абазашта» газет аредактор Къвыл Фардауыс рсуратква. Ауат зымгІвагьи асуратчпагІв швабыжта йгІалдахІвтІ. ЙгІалырбаз атурасква зынла йгІаудырхуа йахъазымкІва, рхІаль, рдунейпшыща алкІгІараквагьи гвы рыуымткІва амаль амамкІва йлырхъйатІ. Зоя Дагъаза йпхІа данчкІвыныз азаман йгІашІарышвта асуратгІвра дхънахуан. Ауи КъарчаЧеркес къральыгІва педагогика институт ахудожества-графика факультет дангІалга апхьарта нхара далагатІ. ЛынцІра шабгаз асабиква апшдзара рзыбауата, дара рнапІы чкІвынквалагьи сурат рыгІвуа, йтадзахуа, йапшым апкъыгІваква дырхъйауа йазылбжьауа дынхатІ. Ауи йацлырцауата йгІанлыршаз асуратква, апейзажква, апортретква сквшквакІ рапхъала ареспублика къральыгІва псабара музей апны йакІвшаз лхъатачІв гІарбара апны тшрыхазыргІвазаз хІхаквлагІвчва анцIрала ргвы йгІатахатІ. Зоя ланща, абаза уысагІв ЛагІвычв Джьамльадин йапшым аныбыжьква дыртагылата йпортретква лгІвытІ. РыцІа йылзаргванпІ лан лыпщыгІвайщчва лыдзхъагылата йылгІвыз асурат. ЙакІвшаз агІарбара йалаз апшыгІвчва ауи адзхъа йгІашІамсуата, йджьарымщауата заджвгьи дыгьзагІвымстІ. Хъибльахь Зоя йшгІалгвалашвахуала лабаду «ауагІа рагъа» гІайыхьырцІата ахІапса дантапсы, ланду сабита агІгІвы лзыгІанхатІ. АгІвыджь амла рзымчхІауата йшхвыцдзаз йпсытІ, арахьарат ауагІа йрылагІващауата, гІвычІвгІвысагІара рылата йгІадзынгылтІ. Зоя ланща ЛагІвычв Джьамльадин йыршІыйара швабыжта йларгванпІ, йуысаква йрыуата щардагьи збарла йылдыритІ. УахьчІвала Зоя Дагъаза йпхІа тшпсщара дчІвахтІ, ауи ахІатырла аршІыйара рыцІагьи заман щарда азалылхуаштІ. АпшыгІвчва швабыжта йыргвапхатІ ХІагІвындокъва МухІамад йгІвыз абаза уысагІв Мыхц Кьарим йпортретгьи. Ауат аргваныта йабадыруан. Ауи акІвзапІ асуратчпагІв ъаза аршІыйагІв йтурасы алкІгІараква абгата йгІахъитІырныс зйылшаз. Къарча-Черкес Республика абзазагІвчва йрыуата аршІыйари азъазари йрызгвалымсым зымгІвагьи асуратчпагІвчва ргІарбара тшхадыргІвазарныс йдрайгвитІ, ауи февраль ацІыхъвадза йакІвшуштІ. 
311 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный