СОВЕТТИНЪ БАСШЫСЫ САЙЛАНДЫ

18 мартта КЧР бойынша МВД-сынынъ йыйынлар залында ишки ислер министерствосындагы Ямагат ш ы лы к совет ­ тинъ быйыл биринши йыйылысы озды. Онынъ куллыгында республикамыз бойынша ишки ислер министрининъ борышларын толтырувшы, полициядынъ полковниги Ансар Боташев, орынбасары, ишки службадынъ полковниги Александр Середа, билдируьв эм ямагатшылык пан байланысув боьлигининъ басшысы, ишки службадынъ майоры Казим Байбанов, совет т инъ агзалары катнастылар. Амалламады КЧР бойынша МВД-сынынъ ОИ эм ОС референти, ишки службадынъ майоры Евгения Узденова юргистти. Йыйынды аша келип, ол республикамыз бойынша ишки ислер министрининъ борышларын заманлыша толтырувшы Ансар Боташевке соьзди берди. - Ишки ислер министерствомыздынъ Ямагатшылык совет пен байланысы пайдалы аьлде туьзилген. Буьгуьнги кепленетаган Ямагатшылык совети оьз аьрекетин алдыдагы уьш йылдынъ бойында бардыраяк. Советтинъ сосы агзаларынынъ санында ямагатшылык куллык пан каьрлейтаганлар да бар. Биз оларга бек разымыз. Сонъгы йыллардынъ сулыбына таянсак, полиция ман Ямагатшылык советтинъ тар байланыста аьрекети оьз емислерин беретаганын коьремиз, - деп беркитти Ансар Азреталиевич эм советтинъ агзаларына шаатламаларды беруьвди баслады. Суьйтип, Ямагатшылык советтинъ санына савлайы йырма алты аьдем кирди. Олардынъ ишинде туьрли тармаклардынъ куллыкшылары, айтпага, билимлендируьв, медицина, бизнес тармакларынынъ элшилери бар. < о н ы н ъ с а н ы н , а СКФО-да Россиядынъ Рекордлар китабынынъ бас эксперти Марат Узденов, Россия МЧС-нынъ КЧР бойынша Управлениесининъ излев отрядынынъ басшысы Андрей Мозгов, «Единая Россия» Савлайроссиялык политикалык партиясынынъ Карашай-Шеркеш регионлык боьлигининъ бас специалисти Игорь Умалатов, «Алашара» абаза-абхаз этносын оьрлендируьв фондынынъ элшиси Азамат Ужахов, Черкесск каласынынъ «Алан» ямагатшылык фондынынъ агзасы Мурат Ш идаков, «Архыз 24» телекомпаниясайладылар. Секретари этип бу советтинъ агзасы, Черкесск каласынынъ Индустриал-технологиялык колледжининъ кадрлар бойынша инспекторы Галина Канцуровады беркиттилер. Ямагатшылык советтинъ председатели этип Мария Мухарбиевна Атабиевады сайладылар. Онынъ орынбасарлары болып Андрей Мозгов эм Джамал Тебуев беркитилдилер. Сонъ Ямагатшылык советтинъ комиссияларын туьздилер эм олардынъ председательлерин беркиттилер. Мысалыга, билдируьвлик аьжетсизлев эм ямагатшылык ойды мониторинглев, яшавшылардынъ праволарын коршалав эм гражданлык ямагатшылыгынынъ институтлары ман байланысув, ямагатшылык кавыфсызлык эм право бузувларды профилактикалав соравлары бойынша комиссиялар кеплендилер. Сондай болып советтинъ агзалары республикамыз бойынша ишки ислер министрининъ быйылдынъ коькек айыннан алып карагысына дейим озгараяк яшавшыларды оьзлик йолыгып алувда да катнасаяклар. Сонъ Ямагатшылык советтинъ бир йылга куллык планын макул этип алдылар. Советтинъ бас борышларынынъ бирлери республикамыздынъ яшавшыларын, биригуьвлерди эм организацияларды ямагатшылык йорыкты саклавда, право бузувларды профилактикалавда, ямагатшылык кавыфсызлыкты аьжетсизлевде, кыянатлыкларга карсылык этуьвде оькиметлик политикады таралтувга тартув, регионымыздынъ ишки ислер органларынынъ аьрекетинде маьнели соравлар бойынша яшавшылардынъ баславларын, программаларды, ямагатшылык биригуьвлердинъ эм о р га н и за ц и я - лардынъ концепцияларын туьзуьвде катнасув, СМИ аркалы полиция органларынынъ куллыгы акында яшавшыларга билдируьв, ишки ислер органларынынъ куллыгына ямагатшылык коьз салувды эндируьв, ишки ислер органларынынъ куллыкшыларынынъ праволарын эм законлык пайдалыкларын коршалавда демевлесуьв боладылар. - Ямагатшылык советке туьрли тармаклардынъ элшилери киргенлер. Сизинъ аьр кайсынъыз оьз тармагынъызда алдышыларсынъыз. Сол себепли, бизге оьз ислерин билген специалистлер мен куллык этпеге енъил болаяк. Мен сизге алдыдагы куллыкларда етимислерди йорайман эм Мария Атабиевады Ямагатшылык советтинъ председатели этилип сайланувы ман кутлайман, - деди КЧР бойынша ишки ислер министрининъ орынбасары, ишки службадынъ полковниги Александр Середа. А. НАЙМАНОВ