СОЧИНЕНИЕ КО Н К У Р С Ы Н Д А ИЙГИЛЕР

уьйинде Савлайроссиялык сочинениелер конкурсынынъ енъуьвшилерин эм баргышыларын торжестволы савгалав озды. КЧР билимлендируьв эм илми министри Инна Кравченко енъуьвшилерди эм баргышыларды кутлап, оларга КЧР билимлендируьв эм илми министерствосынынъ грамоталарын, сондай болып, эстеликли савгаларды эм Карашай-Шеркеш Республикасынынъ Басшысынынъ елкасына шакырувларды берди. Конкурстынъ регионлык кезуьви 7 октябрьден 13 октябрьге дейим озган, онда 65 аьдем катнаскан. МалоАбазинск авыл мектебининъ 7 классынынъ окувшысы Дамир Аджиев Савлайроссиялык сочинениелер конкурсынынъ тамамлав кезуьвининъ енъуьвшиси болган. Конкурстынъ регионлык кезуьвининъ енъуьвшилери: Милена Ристова (Кара-Паго авыл мектебининъ 4 классынынъ окувшысы); Амина Тебуева (Коста-Хетагурова село мектебининъ 8 классынынъ окувшысы); Шамиль Коркмазов (Верхняя Теберда авыл мектебининъ 10 классынынъ окувшысы) болганлар. Конкурстынъ баргышылары: София Потанова (Медногорск поселогынынъ 1 номерли мектеби, 5 класс); Екатерина Шурова (Черкесск каласынынъ 5 номерли гимназиясы, 5 класс); Эльза Чомаева (1 номерли мектеп, 6 класс); Саида Кипкеева (Учкулан авыл мектеби, 7 класс); Ролана Патова (Бесленей авыл мектеби, 9 класс); Малика Керейтова (Эркин-Шахар поселогынынъ мектеби, 9 класс) (дурбатта); Радмир Лепшоков (Учкекен селосынынъ мектеби,11 класс); Даниэл Мульцогов (Черкесск каласынынъ 17 номерли мектеби, 10 класс). Конкурстынъ енъуьвшилерин йогары оьлшемде аьзирлегенлери уьшин разылык хатлар ман орыс тилдинъ эм адабияттынъ окытувшылары: Лидия Докумова (Мало-Абазинск авыл мектеби); Акылима Аджиева (Коста Хетагурова село мектеби); Земфира Биджиева (Верхняя Теберда авыл мектеби) эм Фатима Ристова (Кара-Паго авылынынъ В.Г. Ардзинба атлы билимлендируьв орталыгынынъ баслангыш классларынынъ окытувшысы) савгаландылар. Карашай-Шеркеш Республикасы аьр йыл са-йын Савлайроссиялык сочинениелер конкурсында катнасады. Конкурс оьзлик оьнершилик куллык кебинде сочинениеди язув аьдетин янландырув мыратта озгарылады. Онда окувдынъ эм тербиялавдынъ туьрли кезуьвлеринде окувшыдынъ оьзлик, предмет, предметлер ара болымлыгы коьринеди.