Акыт йту райхІарагІв рахвы дырхІитІ, ауат гІалцІыртата йрыму, рхъа зларкІуа ауи акІвпІ, йырчвыргъычырквын, лдзгІара ду радзитІ. Ауи йгІалцІла ахІвыртаква рпны арахв хъпшылрадъа йгІаныржьра гьатахъым. Йара йцІыхъвахауа азаман йшцазла, кытквакІ рпны абзазагІвчва рырахв йабаркІыта йызхчуш гьгІаншахуам. Ауи йашвхІаусыгІву гьзакІым, абзазагІвчва рахвыкІипхьадза ахъазла ахча ртйырныс гьрылшум, рахвхчагІвыта йынхарныс зтахъугьи гІарауырныс баргвыпІ. Аратква йгІарылцІла азджьакІ рырахв гІатырщтитІта йгьахъпшылхуам. Араса Къзылтогъай кыт абзазагІв хъпшылрадъа ахІвырта апны йгІанижьыз цба йнадзуз йыжвква ргъычтІ. Ауи йапшу ашвапхаква гьзакІым. Ажва аламкІва, аполиция анхагІвчва арахв гъычраква гІахътІрала амальта йнарахвуа гьмачІым – уахъынла йчІапщитІ, агъыччва зламгІвайсуашта йызквдырпшуа амгІваква хъвыркІылитІ, арахв рщыта йпшцІырщт ъауаш абазарква, ажьнахвыртаква дырхъвыхитІ. Ага ауаса йаъазтынгьи, арахв гъычра ква ргІахътІра баргвыпІ, йауа ухІварыквын, арахв абна мгІваквала йъаузымырцуш гьаъам, Ставрополь, Краснодар край йандырцауагьи гІаншитІ. Зырахв ргъычызгьи зынла аполиция тшгьырзынайырхум, ауыгьи ащтанкъвцара арыбаргвитІ. Аратква йгІарылцІла АдыгьахІабльа, НагІвай районква рпны рахвы зкІуа абзазагІвчва ауи рчвырымгъычра ахъазла йгватшнызларныс тшырзынахІырхитІ. АхІамачква багъьазлара, цІапха рымазлара атахъыпІ, ала-хчагІвквагьи агъычыгІвчва гІашІаркІитІ. Ауи акІвымкІвагьи, арахв акыт администрация апны ашвъа йанызлара, закІипхьадза дамыгъа аквызлара атахъыпІ. АбзазагІвчва арахв гІагварырщтта хъпшылрадъа йангІаныржьуа административна хабзамыгІвхъгара шгІандыршауагьи гІаргвынгІвра атахъыпІ. Аурам йгІаквыржьуа арахв зджьакІы руатра йталта йыргвычІарныс закІы гьазхІвам, амгІва йгІаквылуа арахв ашвхІаусыгІвала пхаста аныншауагьи гьмачІым. Зырахв йахъымпшылуа джьауап дзыркІуа акыт администрацияква рхъадаква ракІвпІ. Ауи йахъпшылитІ ахІабльа инспекторквагьи. Афермерквагьи арахвтакІыртаква уахъынла йшхчахуш йазхъвыцра, ахчагІвчва рбжьара, йазалху связьла йадыргалра атахъыпІ.
Акыт йту райхІарагІв рахвы дырхІитІ, ауат гІалцІыртата йрыму, рхъа зларкІуа ауи акІвпІ, йырчвыргъычырквын, лдзгІара ду радзитІ. Ауи йгІалцІла ахІвыртаква рпны арахв хъпшылрадъа йгІаныржьра гьатахъым. Йара йцІыхъвахауа азаман йшцазла, кытквакІ рпны абзазагІвчва рырахв йабаркІыта йызхчуш гьгІаншахуам. Ауи йашвхІаусыгІву гьзакІым, абзазагІвчва рахвыкІипхьадза ахъазла ахча ртйырныс гьрылшум, рахвхчагІвыта йынхарныс зтахъугьи гІарауырныс баргвыпІ. Аратква йгІарылцІла азджьакІ рырахв гІатырщтитІта йгьахъпшылхуам. Араса Къзылтогъай кыт абзазагІв хъпшылрадъа ахІвырта апны йгІанижьыз цба йнадзуз йыжвква ргъычтІ. Ауи йапшу ашвапхаква гьзакІым. Ажва аламкІва, аполиция анхагІвчва арахв гъычраква гІахътІрала амальта йнарахвуа гьмачІым – уахъынла йчІапщитІ, агъыччва зламгІвайсуашта йызквдырпшуа амгІваква хъвыркІылитІ, арахв рщыта йпшцІырщт ъауаш абазарква, ажьнахвыртаква дырхъвыхитІ. Ага ауаса йаъазтынгьи, арахв гъычра ква ргІахътІра баргвыпІ, йауа ухІварыквын, арахв абна мгІваквала йъаузымырцуш гьаъам, Ставрополь, Краснодар край йандырцауагьи гІаншитІ. Зырахв ргъычызгьи зынла аполиция тшгьырзынайырхум, ауыгьи ащтанкъвцара арыбаргвитІ. Аратква йгІарылцІла АдыгьахІабльа, НагІвай районква рпны рахвы зкІуа абзазагІвчва ауи рчвырымгъычра ахъазла йгватшнызларныс тшырзынахІырхитІ. АхІамачква багъьазлара, цІапха рымазлара атахъыпІ, ала-хчагІвквагьи агъычыгІвчва гІашІаркІитІ. Ауи акІвымкІвагьи, арахв акыт администрация апны ашвъа йанызлара, закІипхьадза дамыгъа аквызлара атахъыпІ. АбзазагІвчва арахв гІагварырщтта хъпшылрадъа йангІаныржьуа административна хабзамыгІвхъгара шгІандыршауагьи гІаргвынгІвра атахъыпІ. Аурам йгІаквыржьуа арахв зджьакІы руатра йталта йыргвычІарныс закІы гьазхІвам, амгІва йгІаквылуа арахв ашвхІаусыгІвала пхаста аныншауагьи гьмачІым. Зырахв йахъымпшылуа джьауап дзыркІуа акыт администрацияква рхъадаква ракІвпІ. Ауи йахъпшылитІ ахІабльа инспекторквагьи. Афермерквагьи арахвтакІыртаква уахъынла йшхчахуш йазхъвыцра, ахчагІвчва рбжьара, йазалху связьла йадыргалра атахъыпІ.
Читайте также
РЪАЧІВАГІА АЗЪАЗАРА ЙАЗХІИТІ
19.04.2019
222
ЗЫНГЬИ ЙЦIАМКIВАРЫГIАТI БКЪАЛЬАМ
27.11.2018
486
Получайте свежие новости на электронную почту
Комментарии