ШКФО-ну субъектлерини ичинде эл мюлкде уруннганлагъа иш хакъны эм аслам тёлеген Къарачай-Черкес Республикады.
Росстат билдиргеннге кёре, ол ортача 19,2 минг сомду. Бу затны не бла байламлы болгъанын да ангылатыргъа керекди – кърал джанындан эл мюлк санагъатха иги болушлукъ этиледи, аны бла бирге мюлк башчыладан къолларында ишлегенлеге къыйынларын табдырыргъа кереклиси изленеди. Аны юсюнден Къарачай-Черкес Республиканы Башчысыны борчларын толтургъан Темрезланы Рашид Халкъ Джыйылыуну депутатларына этген докладында айтханды. Быйыл джылны биринчи джарымында бизни регионда 10818,7 миллион сом багъасы эл мюлк продукция чыгъарылгъанды. Озгъан джыл эл мюлк продукцияны чыгъарыуну ёсюмю 104,8 процент болгъанды – ШКФО-ну субъектлеринде ол ючюнчю орунду. Быйылны биринчи джарымында эл мюлк продукцияны чыгъарыуну ёсюмю да 102,5 процентге джетгенди. Къарачай-Черкесияны джамагъатыны 60 проценти элледе джашайды.
Комментарии