СЕССИЯДА - РЕСПУБЛИКАЛЫ К БЮ ДЖЕТИ АКЫ НД А

шай-Шеркеш Республикасынынъ Халк Йыйынынынъ (Парламентининъ) кезуьвли сессиясы озды. Онынъ куллыгында КЧР Басшысы Рашид Темрезов катнасты. Куьн йосыгына 13 сорав шыгарылган эди. Биринши болып «Административлик право бузувлар акында» Карашай-Шеркеш Республикасы нынъ Законынынъ 15 эм 15.1 статьяларына туьрленислерди киргистуьв акында» КЧР законынынъ проекти тергелди эм эки окылувда кабыл этилип алынды. Оны ман келисте административлик право бузувлар акында куллыкларды тергемеге борышлы субъекттинъ органлары эм ис орынындагы кисилер белгилендилер. Сонынъ санында Закон ман РФ МВД-нынъ эм КЧР толтырувшы власть органы ман Законнынъ айырым мардаларын таралтув бойынша Келисуьвди туьзуьв карарланады, айырып айтканда, административлик право бузув акында протоколды туьзуьв. Сондай болып депутатлар «2019 йылга эм 2020 эм 2021йыллардынъ планлык шагына Карашай-Шеркеш Республикасынынъ бюджети акында» КЧР Законына туьрленислерди киргисттилер эм биринши окылувда «2020 йылга эм 2021 эм 2022 йыллардынъ планлык шагына КЧР республикалык бюджети акында» (келимли кесеги) законнынъ проектин макулладылар. Республикалык бюджетининъ келимлер бойынша бас коьрсетимлери беркитилгенлер: 2020 йылга - 26 489 018,7 мынъ маьнет; 2021 йылга - 26 102 948,3 мынъ маьнет; 2022 йылга - 27 002 832, 1 мынъ маьнет. Шыктажлар бойынша: 2020 йылга - 26 212 460,5 мынъ маьнет; 2021 йылга - 25 855 484,0 маьнет эм 2022 йылга - 26 783 018,9 мынъ маьнет. Карашай-Шеркеш Республикасынынъ бюджетине ф едераллык бюджеттен кредитлерди беруьв акында Келисуьвлердинъ шартларын толтырувдан шыга келип, республикалык бюджет профицит пен кеплестирилген: 2020 йылга 276 558,2 мынъ маьнетлик санда; 2021 йылга 247 464,3 мынъ маьнетлик санда эм 2022 йылга 219 813,2 мынъ маьнетлик санда. Республикалык бюджетининъ келимлер оьлшеми 2020-2022 йылларга РФтынъ эм КЧР-дынъ социал-экономикалык оьрленуьв аьллери, налог эм бюджет политикалары, 2019 йылда келимлердинъ туьсуьви бааланып эсапланганлар. Биринши окылувда «2020 йылга эм планлы 2021 эм 2022 йылларга КЧР парызлы медициналык кавыфсызландырувдынъ юртлык фонозатаган ерлерде тыйылады деп коьрсетилген. Сондай болып тыюв 100 метрлик ювыкта болган ерлерге де тиеди. Законнынъ проекти мен коьрсетилген организацияларга ялгама болган ерлерди белгилевдинъ йорыгы белгиленген. Оннан баска сессияда законшылык органынынъ кадрлар политикасына тиетаган соравлар тергелдилер.