СКФО Преимущества покупки пластиковой сетки у OPT Relation СКФО 1. Технические характеристики, сертификация продукции и регистрация технических характеристик СКФО В республиках СКФО на 61% вырос спрос на образование с господдержкой СКФО В Ставрополе состоится общегородская зарядка   СКФО Дагестан создаст аналог зарубежных курортов

САЙЛДВЛАР АЛДЫ НДА ЭСДПЛАРДЫ ТЕРГЕП

05.07.2019 239
САЙЛДВЛАР АЛДЫ НДА ЭСДПЛАРДЫ ТЕРГЕП
Янъыларда озган «Единая Россия» Савлайроссиялы к по л и т и кал ы к парт иясы ны нъ Карашай-Шеркеш регионлык боьлигининъ XXV-нш и конференциясынынъ куллыгында Карашай-Шеркеш Республикасынынъ Басшысы Рашид Тем резов катнасты. Конференциядынъ калыбында алтыншы кере сайланаяк КЧР Хал к Йыйынынынъ депутатларын озаяк сайлавларга регионлык партиядынъ сайлавлардан алдынгы программасы алынды эм «Единая Россиядан» республикадынъ Парламентине депутатлыкка кандидатларынынъ тизбеси беркитилди. Конференция басланаяктан алдын мандатлык эм эсаплав комиссия сайланды, сондай болып, конференциядынъ куьн йосыгы беркитилди. Элшилерди эм конференциядынъ конакларын партиядынъ Оьр Советининъ агзасы, КЧР Басшысы Рашид Темрезов хошлады. Бирлик сайлав куьнинде Карашай-Шеркеш Республикасынынъ Халк Йыйынынынъ 50 депутатын, тогыз муниципал районында район оьлшемининъ 151 депутатын эм муниципал оьлшемининъ 59 депутатын сайлавлары озаяклар. «Сайлавлар кампаниясына аьзирленуьвде эм озгарувда бизим бас эсабымыз - сайлавларды бизим Партиядынъ туьзуьвшиси Владимир Путиннинъ эм «Единая Россиядынъ» Председатели Дмитрий Медведевтинъ - куьндесшилик, ашыклык, легитимлик принциплери мен тийислисинше оьтуьв», - деп белгиледи Рашид Темрезов. Сондай болып, регионнынъ етекшиси муннан алдын, 26 майда «Единая Россиядынъ» куьнибурынгы сайлавларынынъ калыбында озгарылган уьйкен куллыкты белгиледи, онда республикадынъ 60 мынъга ювык яшавшысы ортакшылык эткен. Тамамында, куьнибурынгы сайлавлардынъ калыбында 89 аьдем кандидат болган. Олар мандатлар уьшин куьресте эм сайлавшылардынъ сенимлерин табар уьшин республикадынъ яшавшылары ман йолыгыслар озгарганлар, оларды кайдай соравлар тынышсызландыратаганын эм болаяк парламентарийлерден не зат саклайтаганларын ашыклаганлар. «Единая Россиядынъ» куьнибурынгы сайлавларды озгарувда сулыбы онынъ маьнели институт болувын коьрсетеди. Ол сайлавшыларга болаяк депутатлар сенимлик мандатларын алсалар, не зат пан каьрлеегин коьрсетеди», - деп белгиледи КЧР Басшысы. Рашид Темрезов аьрекетлейтаган эм сайлавларга кандидат болып баратаган депутатларга белсинли куллык этпеге, аьдемлер мен йыйы распага, аьр сайлавшы ман айкасув туьзбеге шакырды. «Единая Россиядынъ» КЧР регионлык боьлиги оьзин маьнели эсапларды салатаган эм тийисли тамамларга етисетаган аьдемлердинъ бирлик командасы этип коьрсеткен», - деп тамамлады Рашид Темрезов. Сонъ конференциядынъ катнасувшылары бирлик сайлав округы бойынша КЧР Халк Йыйынынынъ алтыншы кере сайланаяк ясыртын давыс беруьв мен кандидатлардынъ тизбесин атав бойынша биринши соравды тергевге киристилер. Белгиленген кепке коьре, КЧР Басшысы Рашид Темрезов, КЧР Парламентининъ спикери Александр Иванов эм баьри элшилер сайлав кабиналарга бюллетеньлер алып кирдилер эм кандидатлар тизбесин макуллавлары яде унамавлары бойынша давысларын бердилер. Сонъ эсаплав комиссия ясыртын давыс беруьвдинъ тамамын сокты, оны ман келисте элшилердинъ коьбиси единоросслар кандидатларынынъ тизбесин шыгарувга давысларын бердилер. Конференциядынъ куллыгынынъ калыбында регионлык Парламентининъ спикери Александр Иванов «Единая Россия» партиясынынъ регионлын боьлигининъ сайлавлардынъ алдындагы программасын эситтирди. Программада партиядынъ регионлык боьлигининъ уьстинликли эсабы айырым коьрсетилген - ол Карашай-Шеркеш Республикасынынъ аьлиги замангы келбетин кеплев, куллык эм яшав уьшин тийисли аьллерди туьзуьв, тынышлыкты эм ийги конъысылыкты саклав. Соны ман биргесине программа единоросслардынъ аьрекетликлерининъ бас йоьнелислерин эм ден савлыкты саклавда, билимлендируьвде, маданиятта, социаллык политикада, спортта, ЖКХ-да, экологияда, кишкей эм орта эпшилликти демевлевде маьнели эсапларды белгилейди. Конференциядынъ катнасувшылары давыс беруьв мен сайлавлар алдындагы программады беркиттилер. Сондай болып конференциядынъ катнасувшылары «Единая Россия» Савлайроссиялык политикалык партиясынынъ КЧР регионлык боьлигининъ эмблемасын эм сайлав биригуьвининъ кыска атын беркиттилер
239 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный