Кардоник станицасында эсли аьдемлердинъ интернаты онынъ 25 яшавшысы уьшин оьз уьйлерине айланган. Эсли эм сакат аьдемлер тек мунда оьз наьсиплерин табатаган йоллар сийрек тувыл: суьйген ислери мен каьрлейдилер, бир-бирлери мен айкасадылар, тыншаювларын кызыклы этип уйгынлайдылар. Эсли аьдемлердинъ Халклар ара куьни мен байланыста Кардоник станицасындагы интернатта Карашай-Шеркеш Республика-сынынъ Правительствосынынъ Председателининъ орынбасары Джанибек Суюнов эм КЧР-дынъ ис эм социаллык оьрленуьв министри Мурадин Кемов болдылар. Байрам концерти басланаяктан алдын, конаклар интернаттынъ боьлмелерин, эсли аьдемлер уйклайтаган пешлерди, казан асылатаган боьлмеди, кир ювылатаган ерди, реабилитациялык залын карап шыктылар, тыншаюв ерлери мен таныстылар. Ясы уьйкенлерге каратылган хошлав соьзин Джанибек Суюнов айтты: – Баалы ясы уьйкенлер! Буьгуьнги байрам – сизге сый этуьвдинъ, берк ден савлыкты эм коьнъил тынышлыгын сагынувдынъ ийги амалы. Бизим республикамызда эсли ердеслеримизге айырым эс этиледи. Республикадынъ Правительствосы эсли, сакат аьдемлердинъ материаллык эм социаллык аьллерин ийгилендируьвге, олардынъ савлыкларын демевлевге, социаллык яктан ярдам этуьвге амаллар карастырады. Арбатын да бу уьй сизинъ уьшин онъайлы болсын, савлыклы болынъыз эм узак яшанъыз. Соьзининъ сонъында Джанибек Суюнов интернатка полларга тоьсейтаган куьйизлер савгалады. Ясы уьйкенлерге каратылган йылы соьзлерин айтып, берк ден савлыкты эм куванышты сагынып, Мурадин Кемов та соьйледи. Байрам куьнине багысланган концертте Зеленчук станицасынынъ саз школасынынъ балалары катнастылар. Концерт интернаттынъ алдындагы яйдак ерде озды. Источник: riakchr.ru Предыдущая новость 1004 просмотров Следующая новость Читайте также СЫЙДЫ СЫКТАП АЛМАЙДЫЛАР 18.01.2020 247 ЕРДИНЪ Ш И Р И Н БИЛГЕНЛЕ 10.02.2022 225 Получайте свежие новости на электронную почту Подписаться Комментарии Написать
Комментарии