ЕджапIэхэм ямызакъуэу, сабий IыгъыпIэхэми къыщIагъэкI сабийхэм хуагъэфэща гуфIэгъуэ зэхыхьэхэр ирагъэкIуэкIащ. Абыхэм я утыкум щагъэлъэпIащ гъащIэшхуэм и гъуэгуанэм техьэу, пэщIэдзэ классхэм япэ лъэбакъуэ щIэзычэну сабийхэр. ЕджапIэхэм я «иужьрей уэзджынэ» Iуэхугъуэхэм зыкIи къыкIэрымыхуу, хуабжьу зэхыхьэ гъэщIэгъуэнхэр къызэрагъэпэщащ. Абыхэм я зы щапхъэщ Бэвыкъуэ къуажэм и «Нарт» сабий IыгъыпIэм щекIуэкIа гуфIэгъуэ зэхыхьэр. МахуэщIыр сабийхэм дагъэлъэпIэну къекIуэлIащ адэ-анэхэр, адэшхуэ-анэшхуэхэр, къуэш-шыпхъухэр, нэгъуэщI хьэщIэ куэд. А псом я пащхьэ сабийхэм къыщагъэлъэгъуащ IыгъыпIэм щIэсыхукIэ зызыхуагъэса зэфIэкIхэмрэ зэчий къызыкъуахамрэ. Япэ утыкум ирагъэблэгъащ IыгъыпIэм къыщIэкI сабийхэр. Ар плъагъун хуейт – ахэр дахэкIейуэ зэгъэпэщауэ, фащэ лыдыжхэр ящыгъыу, гуфIэпсыжу утыкум къызэрихьэр. Дэтхэнэми хуэгъэзауэ гъэсакIуэхэр къеджащ усэ цIыкIухэм. Абыхэм къыщыгъэлъэгъуат сабий къэси я хьэл-щэным, дуней тетыкIэм, зэчийм хуэгъэза теплъэгъуэхэр. Иужьым, илъэс бжыгъэкIэ зи нэIэ щIэта гъэсакIуэхэмрэ абыхэм я дэIэпыкъуэгъухэмрэ утыкум ирашащ. Апхуэдэхэт Унэрокъуэ Мадинэ, Шорэ Маринэ, Бемырзэ Нелэ, Астэжь Фатимэ сымэ. Ахэр утыкум ирашэри, сабийхэми балигъхэми къабгъэдэкIыу, хуэфэщэн пщIэ иратащ. АдэкIэ сабий цIыкIухэм зыкъызэкъуахри, усэрэ уэрэдрэкIэ, къафэкIэ гъэнщIа пшыхь дахэкIей къызэхуэсахэм я пащхьэ къыщагъэлъэгъуащ. НаIуэт сабий IыгъыпIэм щагъэкIуа илъэсхэр псыхэкIуадэ зэрымыхъуар, атIэ дэтхэнэми лъабжьэрэ къуэпс нэсрэ зэрыхуэхъуар. МахуэщIым къриубыдэу, теплъэгъуэ гъэщIэгъуэн куэд щрагъэкIуэкIащ купсэм. Адэ-анэхэми, гъэсакIуэхэми къабгъэдэкIыу, фIыщIэ псалъэ куэди утыкум къыщыIуащ. Сабийхэми тыгъэ цIыкIу куэд иратащ. - Мы гъэм сабий 80 ди нэIэ щIэтащ. Абы щыщу, 29-р нобэ щIыдогъэкI. ГурыфIыгъуэщ абыхэм уахэплъэну, я япэ лъэбакъуэм ущыгъуэзэну. Тхьэм зэрыхуей ищI, я адэ-анэхэри езыхэри зэрыгугъэу, гъащIэ насыпыфIэрэ узыншэрэ къарит. Нобэ хуэдэ махуэ фыщIэ яхуэсщIыну сыхуейщ ди адэ-анэхэм. Сыт хуэдэ Iуэху мы IыгъыпIэм къыщедмыхьэжьами, икъукIэ фIыуэ зыкъытщIагъакъуэ, я хьэрычэтрэ гуащIэрэ къытхалъхьэ. Апхуэдэ къабзэщ ди лэжьакIуэ гупри, нэгъэсауэ я пщэрылъхэр ягъэзащIэ. Абы къыщымынэу, фIыщIэ щхьэхуэу хуэсщIыну сыхуейщ хыхьэхэкIырылажьэ Хъарцыжь Назир. Абы и дэIэпыкъуныгъэкIэ, нобэ сабийхэм къахуэтщэхуащ зэрыдгъэгуфIэну тыгъэ цIыкIухэр. Тхьэм и мылъкур фIыщIэу къритыж. Мис а псор зэхыхьэжмэ – адэ-анэхэми, гъэсакIуэхэми, ди цIыху хьэлэлхэми я гу дзакъэныгъэр зы хъужмэ – аращ къызыхэкIыр ди сабийхэм я гуфIэгъуэ махуэщIри,- жиIащ сабий IыгъыпIэм и унафэщI Лий Айшэт.
ЕджапIэхэм ямызакъуэу, сабий IыгъыпIэхэми къыщIагъэкI сабийхэм хуагъэфэща гуфIэгъуэ зэхыхьэхэр ирагъэкIуэкIащ. Абыхэм я утыкум щагъэлъэпIащ гъащIэшхуэм и гъуэгуанэм техьэу, пэщIэдзэ классхэм япэ лъэбакъуэ щIэзычэну сабийхэр. ЕджапIэхэм я «иужьрей уэзджынэ» Iуэхугъуэхэм зыкIи къыкIэрымыхуу, хуабжьу зэхыхьэ гъэщIэгъуэнхэр къызэрагъэпэщащ. Абыхэм я зы щапхъэщ Бэвыкъуэ къуажэм и «Нарт» сабий IыгъыпIэм щекIуэкIа гуфIэгъуэ зэхыхьэр. МахуэщIыр сабийхэм дагъэлъэпIэну къекIуэлIащ адэ-анэхэр, адэшхуэ-анэшхуэхэр, къуэш-шыпхъухэр, нэгъуэщI хьэщIэ куэд. А псом я пащхьэ сабийхэм къыщагъэлъэгъуащ IыгъыпIэм щIэсыхукIэ зызыхуагъэса зэфIэкIхэмрэ зэчий къызыкъуахамрэ. Япэ утыкум ирагъэблэгъащ IыгъыпIэм къыщIэкI сабийхэр. Ар плъагъун хуейт – ахэр дахэкIейуэ зэгъэпэщауэ, фащэ лыдыжхэр ящыгъыу, гуфIэпсыжу утыкум къызэрихьэр. Дэтхэнэми хуэгъэзауэ гъэсакIуэхэр къеджащ усэ цIыкIухэм. Абыхэм къыщыгъэлъэгъуат сабий къэси я хьэл-щэным, дуней тетыкIэм, зэчийм хуэгъэза теплъэгъуэхэр. Иужьым, илъэс бжыгъэкIэ зи нэIэ щIэта гъэсакIуэхэмрэ абыхэм я дэIэпыкъуэгъухэмрэ утыкум ирашащ. Апхуэдэхэт Унэрокъуэ Мадинэ, Шорэ Маринэ, Бемырзэ Нелэ, Астэжь Фатимэ сымэ. Ахэр утыкум ирашэри, сабийхэми балигъхэми къабгъэдэкIыу, хуэфэщэн пщIэ иратащ. АдэкIэ сабий цIыкIухэм зыкъызэкъуахри, усэрэ уэрэдрэкIэ, къафэкIэ гъэнщIа пшыхь дахэкIей къызэхуэсахэм я пащхьэ къыщагъэлъэгъуащ. НаIуэт сабий IыгъыпIэм щагъэкIуа илъэсхэр псыхэкIуадэ зэрымыхъуар, атIэ дэтхэнэми лъабжьэрэ къуэпс нэсрэ зэрыхуэхъуар. МахуэщIым къриубыдэу, теплъэгъуэ гъэщIэгъуэн куэд щрагъэкIуэкIащ купсэм. Адэ-анэхэми, гъэсакIуэхэми къабгъэдэкIыу, фIыщIэ псалъэ куэди утыкум къыщыIуащ. Сабийхэми тыгъэ цIыкIу куэд иратащ. - Мы гъэм сабий 80 ди нэIэ щIэтащ. Абы щыщу, 29-р нобэ щIыдогъэкI. ГурыфIыгъуэщ абыхэм уахэплъэну, я япэ лъэбакъуэм ущыгъуэзэну. Тхьэм зэрыхуей ищI, я адэ-анэхэри езыхэри зэрыгугъэу, гъащIэ насыпыфIэрэ узыншэрэ къарит. Нобэ хуэдэ махуэ фыщIэ яхуэсщIыну сыхуейщ ди адэ-анэхэм. Сыт хуэдэ Iуэху мы IыгъыпIэм къыщедмыхьэжьами, икъукIэ фIыуэ зыкъытщIагъакъуэ, я хьэрычэтрэ гуащIэрэ къытхалъхьэ. Апхуэдэ къабзэщ ди лэжьакIуэ гупри, нэгъэсауэ я пщэрылъхэр ягъэзащIэ. Абы къыщымынэу, фIыщIэ щхьэхуэу хуэсщIыну сыхуейщ хыхьэхэкIырылажьэ Хъарцыжь Назир. Абы и дэIэпыкъуныгъэкIэ, нобэ сабийхэм къахуэтщэхуащ зэрыдгъэгуфIэну тыгъэ цIыкIухэр. Тхьэм и мылъкур фIыщIэу къритыж. Мис а псор зэхыхьэжмэ – адэ-анэхэми, гъэсакIуэхэми, ди цIыху хьэлэлхэми я гу дзакъэныгъэр зы хъужмэ – аращ къызыхэкIыр ди сабийхэм я гуфIэгъуэ махуэщIри,- жиIащ сабий IыгъыпIэм и унафэщI Лий Айшэт.
Получайте свежие новости на электронную почту
Комментарии