СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей Актуально Представители молочной отрасли КЧР могут принять участие  в Национальном Молочном Конгрессе   

РЫЦIА ЙЫМЧХЪУ ГIАДРЫБЕРГЬЫЛЬТI

19.10.2019 150
РЫЦIА ЙЫМЧХЪУ ГIАДРЫБЕРГЬЫЛЬТI
ЙцIыхъвахауа азаман абаза кытква рпны йакIвшауа аспорт анкъвакъвраква чкIвыныргIа йырхъазымкIва ахIбачва йдырхIаз ашвапхаквагьи гIадырбитI. Араса МалоабазинскI квтанай апхьарта апшцIа апны «Союз абхазских добровольцев» ркубок йазабакIуата ахIбачва футбол йастI. Ауи хысквша цIитIта «Апсадгьыл» Ассоциация йалу йадыргалитI. СынчIва Къазма акытква рбзазагIвчва ракIвымкIвагьи Хъвыжвду, Псыжв, АлбыргIан йгьи Къарапагва агIащтийыгIвчва аъан. Хъвмарща пшдза гIадырбауата апхъагылара Хъвыжвду афутболасыгIвчва йыргатI, йгIвбахауа агыларта Псыжв йырчIвхатI, АлбыргIан йхпахауа агыларта гIарадзатI. Анкъвакъвра апны зымгIва йрагъьта тшгIазырбакваз асогIаквала йгIалыркIгIатI. БыжьголкI тазцIаз Псыжв абзазагIв МАЛХIВАЖВ Валерий йагъьу абомбордир йсогIа гIайырттI, Хъвыжвду агIащтийыгIвчва БАТЫРБИ Аслан йагъьу вратарьта йгьи КЪАРДАН Мурат йагъьу хчагIвыта йгIалыркIгIатI. Псыжв кыт рфутболасыгIв ХЪАБЛАХЬ Даниель атурнир йагъьу афутболасыгIв хьзы йквнадыргатI. Зныбыжьла зымгIва рацкIыс йахIбаз ЙУАН КIарабитгьи чвахъабага согIа гIайырттI.  Асквша 2008–2010 агIан ййыз чкIвыныргIа ЙынджьыгьчкIвын кыт апны Чква Михаил йхъмаштылра йазынархаз атурнир апны мини-футбол йастI. Ауи быжькомандакI азнаддатI: АлбыргIан, ЙынджьыгьчкIвын, Красна Восток, Къарапагва, Къазма кытква, КвачхIабльа, Зайыкъва ргIащтийыгIвчва. ЙынджьыгьчкIвын кыт афутболасыгIвчва шIаква рбжьагIвы Джьджьу ТIахир йгIаджвыквцIарала сынчIва йадыргалыз атурнир швабыжта йджьащахъвата йакIвшатI, ауи йрыхIазырыз агвып зымгIва йрагъьта тшгIадырбатI йгьи йапхъагылагIвхатI, йгIвбахауа агыларта – АлбыргIан рычкIвынчва, йхпахауа – Красна Восток рфутболасыгIвчва шIаква йыргатI. Йагъьу вратарь йсогIа ДЖЬМАКЪВЫЛ Малик йырттI, йагъьу хчагIвыта – КвачхIабльа ргвып йрылаз апхIвыспа КАНТЕМИРОВА Арианна, йагъьу бомбордирта – КЪВЫРЧА Азамат гIалыркIгIатI. Йагъьу афутболасыгIв хьзы ТХАГОЛЕГОВ Аслан йгатI.  ЙынджьыгьчкIвын квтанай апхьарта сквшщарда физикала йазрыпхьаз арыпхьагIв ДЖЬАНДАР Амин Бильаль йпа сынчIва сквш 75 йхъыцIтI. Ауи йадахIвуата апхьарта арыпхьагIвчва ргвып Джьандар Амин йыхьыз зхъхIвалгIаз шахматла турнир адыргалтI. Айззара йалан арыпхьагIв йыцынхаз, йыгIвзачва, йтгIачва, йайрыпхьаз, акыт абзазагIвчва. Анкъвакъвраква джвыквмылскIва, Амин Бильаль йпа йайхIвахIвырныс йгIадгылыз ажва пхаква йзынадырхатI. ЙынджьыгьчкIвын квтанай апхьарта адиректор ХIаткъва ФатIима Еруслан йпхIа арыпхьагIв дйайхIвахIвтI йгьи шахмат хъвмарга согIата йылттI. ЙгIайззаз арыпхьагIв йзынархаз агIаншараква гIаргвалашвахтI. Йынхара бзи йбауа, йуыс цIолата йдыруа, дызцынхуз арыпхьагIвчва гвыпгьи апхьагIвчвагьи хвы шйыквырцIуз гIалыркIгIатI. Шахмат бзи йызбауа ЙынджьыгьчкIвын абзазагIвчва ракIвымкIвагьи Черкесск йгьи ЭркеншахIар ргIащтийыгIвчва анкъвакъвра йалалтI. АнкъвакъвыгIвчва хгвыпкIта йшан: жвагI сквша йнамдзас ачкIвынчва, жвагI сквша йнамдзас ахIвсса, жвагI сквша йгIашIарышвта рыцIа йахIбу ахъацIаква. АхIвсса руацIала айынджьыгьква зымгIва йрагъьхатI. АЖЬИ Алия дапхъагылагIвхатI, йгIвбахауа – БЫДЖЬ Лина, йхпахауа – ДЖЬАНЫМБЕЙ Зарина йыргатI. АчкIвынчва рпны ЭркеншахIар агIащтийыгIв КАРАСОВ МухIамад дапхъагылагIвхатI, йгIвбахауа – КЪВАПСЫРГЬАН Алим, йхпахауа – КЪВАПСЫРГЬАН Беслан. АхIбачва рпны йызнымкIва шахмат асрала йагъь дшаъам йрыбагъьауата йапхъахауа агыларта ЦЕКЪВА Али йгатI, йгIвбахауа ЭркеншахIар абзазагIв, йхпахауа – Джьандар Адам. «За волю к победе» согIа ТЛЬАБЫЧА Астемир йырттI. Анкъвакъвраква рымщтахь ДЖЬАНДАР Амин йтгIачва асасчваква йырзадыргалыз айшва йдрайгватI.  Асквша 2008–2010 рагIан ййыз ачкIвынчва руацIала Псыжв апны дзюдола анкъвакъвраква акIвшатI. Псыжв кыт ажвлара Совет йалу, Абаза муниципальна район аунашвачпагIвчва йгьи асабичкIвыныргIа спорт апхьарта анхагIвчва (ДЮСШ) йацыта йадыргалыз анкъвакъвра хIреспублика йапшым агородкви арайонкви йгIартыцIыз спортсмента 150-гIв азнаддатI. АбакIыгIвчва рхIатларала жвагвыпкIта йыршатI. Йагъьта тшгIазырбаз аспортсменква йрыуапI Псыжв абзазагIвчва КIЬЫЩМАХВА Мусса йгьи АБЫТI Нурали – йапхъагылагIвхатI, КIЬЫЩМАХВА Малик – йхпахауа агыларта гIатигатI. Анкъвакъвраква рпны апхъагылагIвчва йрыртыз асогIаква «Алашара» жвлара адкIылара йырзырхвгIатI. ЧкIвыныргIа рбзазара апны аспорт йхъаду гыларта акIуазтын, йызгIваду абанпара гIадзынгылуаштI. Аспорт анкъвакъвраква адызгалуа «Алашара» жвлара адкIылара йгьи ауат йанакIвызлакIгьи йрыцызкIуа Абаза муниципальна район администрация аунашвачпагIвчва йацырчпауа ауыс чкIвыныргIа рыхъазла швабыжта магIын ду амапI. 
150 просмотров

Читайте также



Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный