РЕСПУБЛИКАДЫНЪ ЯС ЯШАВШЫЛАРЫНА - ПАСПОРТЛАРДЫ

Туьнегуьнлерде Карашай-Шеркеш Республикасынынъ Басшысы Рашид Темрезов Россия Федерациясынынъ гражданинининъ паспортларын Карашай-Шеркеш ерининъ баьри калаларыннан эм районларыннан окувшыларга берди. «1993 йылдынъ 12 декабринде, тап сол куьн Россия К онституциясы алынган, бизим кыралымыздынъ коьп миллетли халкы оькиметимиздинъ оьрленуьвининъ , ем ократиялык принциплерин, Россия гражданларынынъ политикалык эм экономикалык эркинликлерин белгиледи. Бу йыл Совет Союзынынъ фашист Германиясын енъуьвининъ 75 йыллыгы алдындагы йыл болады. Россия Конституциясы ман келисте, аьр кайсымыздынъ бас праволарымыздынъ бириси «Яшавга право» болады, бу право уьшин бизим ясы уьйкенлеримиз оьз яшавларын бергенлер. Бизим уьйкен аркамыздынъ йигитлиги акында эстелик, тувган Элимиз уьшин олардынъ эрликлери сизге баьри затта - окувда, спортта эм яшавда туспарлав йолы болмага тийисли. Буьгуьн сиз яшавынъызда бас маглуматты - Россия ф едерациясы ны нъ паспортын аласынъыз. Оны сиз яшайтаган оькиметимиздинъ элшилери кебинде оьз яш авынъыздынъ бойында оьктемли алып бараяксынъыз. Сизге эм баьри савлай яс-явкамызга яваплы, ойшылы эм оьзинъизге талаплы болмага, Россия Федерациясынынъ эм бизим республикамыздынъ законларын эсте тутпага эм сакламага сагынышымды билдиремен. Соьле сизинъ алдынъызда баьри эсиклер ашык эм мен, сиз оьзинъиз ойланган не затка да етисеексинъиз, деп билемен», - деди Карашай-Шеркеш ерининъ Басшысы Рашид Темрезов. Сол куьн паспортларын алган баьри окувш ылар Россия Федерациясынынъ гражданинининъ борышларын толтырмага, оьз Элин суьймеге эм коршаламага, оьз Аталыгы уьшин алал ислемеге ант бердилер. КЧР Басшысынынъ колыннан яшавынынъ биринши маьнели маглуматын алганларды нъ саны нда Ногай районынынъ ИконХалк орта мектебининъ 8 классынынъ окувшысы Ислам Бибертович Утакаев (дурбатта) болды. Биз яс аьдемди яшавында сол эстеликли куьн мен ак юректен кутлаймыз, ога эм онынъ баьри досларына юртымыздынъ, халкымыздынъ тийисли аьдемлери болып оьскенлерин сагынамыз.