РАЗЪАЗАРА ЙАЛАДЫРХIАТI

АуагIахъа уысквала, ажвлара коммуникацияквала йгьи печатьла КЧР а-Министерства агIаджвыквцIарала «Профилактика терроризма и экстремизма в КЧР на 2014 – 2020 годы» программа апкъ йтата аъачIвагIагIвчва рдырра йалархIарала акурсква адыргалтI. Къарча-Черкес Республика а-Правительства Тдзы апны акурсква йгIарылгаз аъачIвагIагIвчва рдипломква рыртхтI. АуагIахъа уысквала, ажвлара коммуникацияквала йгьи печатьла КЧР аминистр йзаместительква Хвби Ислам йгьи Гузко Сергей ауат йрайхIвахIвтI, акурсква ъакIвшаз Къарча-Черкес къральыгIва университет аректор Узденов ТаусултIангьи разыра ажва йзынадырхатI. Апедагогика наукаква ркандидат Койчуев Айтек йхъпшылрала КъарчаЧеркес къральыгIва университет анаука лаборатория апны йакIвшаз акурсква хъаунашвахъцIарала акъральыгIва уыснкъвгагIвчва рыхъазла йадыргалтI.