Д уьйсемби куьн Пятигорскта РФ Президентининъ Администрациясынынъ Басшысынынъ
орынбасары Владимир
Островенко СКФО-да РФ
Президентининъ ваькил
элшиси Юрий Чайка ман
округтынъ субъектлерининъ басшыларын таныстырды. Амалламада
Карашай-Шеркеш Республикасынынъ Басшысы Рашид
Темрезов, СКФО субъектлерининъ регионлык законшыгарувшылык йыйынларынынъ председательлери, бас
федераллык инспекторлар,
право саклав органларынынъ элшилери эм СКФО-да
РФ Президентининъ ваькил
элшисининъ аппараты катнастылар.
«Юрий Яковлевич - компетентли, яваплы оькиметлик службасында уьйкен
сулыбы болган аьдем. Министрдинъ эм Россиядынъ
генераллы прокурорынынъ
ис орынында ол бизим яшавшылардынъ праволарын эм
эркинликлерин аьжетсизлев, ямагатта законлыкты
беркитуьв уьшин коьп затты
эткен, кыянатшылык пан
эм карыжлык пан куьреске
сезимли косымын эткен», -
деди Владимир Островенко.
Ол округтынъ социалэкономикалык оьрленуьвинде ийги коьрсетимлерди
белгиледи, бу куллыктынъ
тезлигин оьстирмеге керегин
айтты.
О ьзи ни нъ со ь зи н д е
СКФО-да РФ Президентининъ ваькил элшиси биргелес аьрекетликтинъ уьстинлик- ли йоьнелислери
болып, Россия Президенти
Владимир Путиннинъ Федераллык Йыйынына эткен
Ой-хатында билдирилген
тапшырувларды яшавга эндируьв, миллет проектлери,
яшавшылардынъ яшав сапатын ийгилендируьв болады.
Онынъ билдируьвинше,
Керуьв Кавказды экономикалык оьрлендируьв программасы янъыртылаяк.
«Юма эртеси куьн мен
премьер-министр Михаил
Владимирович Мишустин
мен соьйлегенмен, эм биз
Керуьв Кавказга келисли
янъы экономикалык политикады карастырмага керекпиз. Ол макрорегионда
куллыксызлыкты тоьменлетпеге, янъы бизнес-кеплерди туьзбеге эм бизнестинъ
баьри туьрлилерининъ тебенли аьрекетлевининъ гарантияларын аьжетсизлемеге себеп этеек», - деди ол.
Ваькил элши, властьлер
Керуьв Кавказ регионларына инвесторларды тартувдынъ уьстинде белсинли
аьрекетлееклерине сендирди. Уьйкен эс кишкей эм
орта эпшилликти оьрлендируьвге этилеек. Бас маьне
берилеек тармакларынынъ
санында Юрий Чайка ЖКХ
тармагын, ис рыногында
аьлди ийгилендируьвди, законлыкты аьжетсизлевди эм
яс-явка ман куллык этуьвди
атады.
Юрий Чайка ювыктагы
арада Керуьв Кавказдынъ
аьр регионын йоклаягы
акында билдирди.
Получайте свежие новости на электронную почту
Комментарии