СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

О К У В Д А ЭМ С П О РНА ЕТИ М И СЛ ЕРИ МЕН К У В А Н Д Ы Р А Д Ы

27.02.2020 222
О К У В Д А ЭМ С П О РНА ЕТИ М И СЛ ЕРИ МЕН К У В А Н Д Ы Р А Д Ы
Черкесск каласынынъ 5 номерли гимназиясынынъ 2 «Д» классында окыйтаган Сафия Джемакулова абайы Маекти, атасы Таймуразды, анасы Аидады тек бес белгилерге окувы ман, нызамы ман, спортта ет имислери мен, гимназияды нъ яш авы нда бел си н л и кат н асув ы ман соьледен алып кувандырады. Янъыларда Сафия С.Никулин атлы республикалык балалар библиотекасында «Ятлав окувшылардынъ конкурсында» катнасып, 1 дережели дипломды алды. Сафия аьелде экинши бала болады, онынъ уьйкен аьптеси Дарина эм бебеси Рашид бар. Сафия 6 ясыннан алып художестволы гимнастика ман каьрлейди. Тренери Кристина Рабданова баладынъ биринши куьннен алып ийги болымлыгын, шалыскырлыгын коьрип, оны куьшлилердинъ куьбине коьширди. Белгилеп озайык, Кристина Викторовна художестволы гимнастикадан спорт устасына кандидат эм ийги педагог. Онынъ етекшилиги мен кишкей кыз баладынъ спортта етимислерге йолы тез оьрленип барады. 2019 йылда Сафия биринши кере Черкесскте «Снежные вершины» деп аталып озган сынасларда катнасты. Нефтекумскта озган экинши сынасларда Сафия баргылы экинши орынга етисти эм Грамота ман медаль алып кайтты. Сафиядынъ етимислеринде онынъ хореографы Ф ранцуаза Робертовнадынъ да номай уьлиси бар. Ога уьйренуьвлерге Сафия юмада эки кере барады. Язда кыз бала Ставропольде худ о ж е - стволы гимнастикадан Россиядынъ коьп кере чемпионы, йогары категориялы тренер Юлия К а н а е в а д а , д у н ы я д ы н ъ коьп кере чемпионы Амина З ариповада мастер-класслар алы п, у с т а л ы гы н оьстирген. Алган янъы сулыбы ман ол З е ­ л ен чук стан и ц а с ы н д а 2012 йылда тувган куьшли спортшы кызлар ман озган сы насларда катнасты эм к а н ы г ы с - лы куьресте 1-нши орынды алды. Сафиядынъ куванышынынъ сонъы йок эди. Бир ай да озбай, Сафия Нальчик каласында озган сынасларда ортакшылык этти эм яне 1-нши орынга тийисли болды. Сол енъуьви мен Сафия аьелине, тренерине уьйкен куваныш савгалады. Коьп те заман озбай, яне Нальчикте озган сынасларда Сафия экинши орынды алды эм ога экинши оьспирлер разрядын бердилер. Янъыларда Минеральные Водыда кезуьвли сынаслар оздылар. Кишкей юлдызымыз биринши орынга тийисли болды. Мунда ол биринши кере куьптеги коьрсетуьвлерде де катнасты эм кызлар 2-нши орынды алдылар. Аьлиги заманда Сафия Черкесскте 21,22, 23 февральде озаяк сынасларга аьзирленеди. «Меним оьзиме де спорттынъ бу аьлемет ярасык туьрлиси бек ярайды. Ама менде гимнастика ман каьрлемеге амалым йок эди, мен биюв мен каьрлегенмен. Биз оьз ягымыздан Сафияды болганынша демевлеймиз, оьз куьшине сенуьвин, етимислерге даьвренуьвин оьстирмеге, уьйренуьвлерге керек затларын (скакалка, лента, топ, булавалар, обруч), коьрсетуьвлер уьшин ярасык кийим сатып алмага шалысамыз. Уьйренуьвлерине Сафия аьр куьн доьртер саьат заманын багыслайды», - деп хабарлады Сафиядынъ анасы Аида. Сондай болып, кыздынъ анасы Сафиядынъ етимислерининъ сыры, баладынъ каныгыслыгында, куллыксуьерлигинде, шыдамлыгында, туспарлыгында болувын белгилейди. «Сафия спорт пан каьрлеп баслаганлы бери онынъ яваплыгы оьсти, ол мырадына туспарлы болды. Сафия гим настикады нъ ийги устасы болар уьшин, спорттынъ бу туьрлисинде уьйкен етимислер тапканлардан коьрим алмага шалысады. Ол художестволы гимнастикадан Россиядынъ сыйлы тренери Ирина Виннер-Усмановадынъ, Россия чемпионлары Е.Канаевадынъ, А.Зариповадынъ усталыкларына сукланады. Аьелимиздинъ яшав йорыгы да туьрленген. Савлайымыз спорт пан яшаймыз. Мен немеремди уьйренуьвлерге аькетемен, аькелемен. Ата-анасы оны сынасларга алып барадылар. Спорт пан каьрлеген балада заманы толылай юкленеди, онада керексиз затлар ман каьрлемеге заманы калмайды. А олардынъ енъуьвлери - аьелге шынты наьсип!» - дейди, оьктемлигин ясырмай, Сафиядынъ абайы Маек Амитовна. Сафия аьле де айлак яс гимнастка. Ол уьйренеди эм оьзининъ кишкей енъуьвлерине куванады. Онынъ болымлыгы сезимли, сонынъ уьшин ювык заманларда онадан янъы енъуьвлерди саклайдылар.
222 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный