Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

Невинномысск эм Черкесск – кардашлас-калалар

04.10.2018 345
Невинномысск эм Черкесск – кардашлас-калалар
Невинномысск эм Черкесск кардашлас-калалар (города-побратимы) болдылар. Калалар арасында кардашласув акында келисуьвге кол басув каладынъ 193-нши тувган куьнинде эм Ставрополь крайынынъ куьнинде озган. Маглуматларга Невинномыссктынъ басшысы Михаил Миненков эм Черкессктинъ мэри Руслан Тамбиев торжестволы аьлде кол бастылар. «Бизим дослык аьдетлеримиз узактан келедилер. Кардашлар бир-бирлерине не зат сагынадылар? Сизге тынышлы коькти, куванышларды сагынаман, каланъыз шешекейленсин, онда яшавынъыз онъайлы эм эпли болсын. Байрам ман сизди!» – деди Невинномысск каласынынъ яшавшыларына каратып айткан соьзинде Руслан Тамбиев. «Биз к алаларымыздынъ онъайлыклары уьшин байланысларымызды оьрлендиреегимизге сенемен. Бизге энди де коьп затларды этпеге керек. Биз балаларды оьстирмеге, коьп куллык этпеге эм бир-биримизге ийги эс бермеге керекпиз», – деп белгиледи Михаил Миненков. Эки каладынъ басшылары ман басылган маглуматларда калалар ара исшенлик эм культуралык ислесуьв, туьрли тармакларда сулып пан авысув, басшыланув, спорт, илми-техникалык эм культуралык оьрленуьвде биргелес проектлерди яшавга эндируьв токтастырылган. Властьлер калалар яшавшылары арасында досласувды беркитуьвге себеплерин тийдирееклер. Невинномыссктынъ эм Черкессктинъ специалистлери, студентлери, спортшылары, яс-явка организациялар, оьнершилик коллективлер эм баска элшиликлер кардашлас-калаларга йыйы барып тураяклары карарланады. КЧР Басшысынынъ эм Правительствосынынъ пресс-службасы. 
345 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный