Иджыблагъэ ди хэгъуэгум, лъэпкъым щыщу боксыр фIыуэ зылъагъухэм гуфIэгъуэ хъыбар къаIэрыхьащ ди къэралым и ищхъэрэ къалащхьэм — Санкт-Петербург къалэм къикIауэ. Мыбдеж щекIуэкIа спорт зэхьэзэхуэ иным — «Открытый ринг по боксу» фIэщыгъэцIэр зиIэм, текIуэныгъэ инкIэ къыхэщащ ди хэкуэгъу боксер ныбжьыщIэ, Хьэбэз къуажэм щыщ МыкIытIэ Умар. Мы боксерым и ехъулIэныгъэхэм теухуауэ зэкъым ди газетым тхыгъэ зэрытетар. Арами, фигу къэдгъэкIыжынщи, Умар боксымкIэ и япэ лъэбакъуэхэр здыщичар къыздалъуха къуажэм дежщ. И ныбжьыр илъэси 6-м иту щIалэ цIыкIур и нэIэ щIэувауэ щытащ Хьэбэз спорт гъэсапIэ-еджапIэм щылажьэ, ищхьэ нагъыщэ зиIэ гъэсакIуэ КIытIэ Мухьэмэд. НыбжьыщIэм хэлъ спорт зэчийм гу лъамытэу къэнакъым еджапIэм щылажьэ гъэсакIуэ гупым. ИкIи, гъэсэныгъэ Iуэхум хуэмыщхьэхыу къэтэдж Умар кIуэ пэтми зиужьащ, и IэпщIэлъапщIагъым иригъэфIакIуэурэ, утыку куэдым ехъулIэныгъэ хэлъу зыкъыщигъэлъэгъуащ. НобэкIэ Умар студентщ. Ар щоджэ УФ-м и МЧС-м и мафIэсгъэункIыфI къулыкъум здыхурагъаджэ Санкт-Петербург къэрал университетым. ЩIэныгъэ зэрызригъэгъуэтым къыдэкIуэу, ныбжьыщIэм лъэкIыныгъэ иIэщ и спорт гъэсэныгъэри иригъэфIэкIуэну. Абы ипкъ итуи, Умар зэхьэзэхуэ зэхуэмыдэхэм зыкъыщегъэлъагъуэ зэпыт… 1998-2000 гъэхэм къалъхуа спортсменхэр зыхэта зэпеуэмкIэ къэдгъэзэжынщи, зи хьэлъагъыр килограмм 75-рэ хъу гупым деж, зэрыжытIауэ, япэ увыпIэкIэ къыхэща ди хэкуэгъу боксерым хуабжьу IэкIуэлъакIуэу, Iуэху зэхэщIыкI ин боксымкIэ зэрыбгъэдэлъыр къигъэлъагъуэу и зэпэщIэтыныгъэхэр иригъэкIуэкIащ. ЖыIэпхъэщи, мы зэхьэзэхуэм Урысейм и хэгъуэгу зэхуэмыдэхэм, Ленинград областым къикIа боксер 60-м нэсым зыкъыщагъэлъэгъуащ. ТекIуэныгъэр къэзылъэщахэм хуагъэфэщащ щIыхь тхылъхэр, тыгъэу — зэхьэзэхуэр егъэкIуэкIыным дэIэпыкъуэгъу хъуахэм къабгъэдэкIа сертификатхэр. Источник: riakchr.ru
Иджыблагъэ ди хэгъуэгум, лъэпкъым щыщу боксыр фIыуэ зылъагъухэм гуфIэгъуэ хъыбар къаIэрыхьащ ди къэралым и ищхъэрэ къалащхьэм — Санкт-Петербург къалэм къикIауэ. Мыбдеж щекIуэкIа спорт зэхьэзэхуэ иным — «Открытый ринг по боксу» фIэщыгъэцIэр зиIэм, текIуэныгъэ инкIэ къыхэщащ ди хэкуэгъу боксер ныбжьыщIэ, Хьэбэз къуажэм щыщ МыкIытIэ Умар. Мы боксерым и ехъулIэныгъэхэм теухуауэ зэкъым ди газетым тхыгъэ зэрытетар. Арами, фигу къэдгъэкIыжынщи, Умар боксымкIэ и япэ лъэбакъуэхэр здыщичар къыздалъуха къуажэм дежщ. И ныбжьыр илъэси 6-м иту щIалэ цIыкIур и нэIэ щIэувауэ щытащ Хьэбэз спорт гъэсапIэ-еджапIэм щылажьэ, ищхьэ нагъыщэ зиIэ гъэсакIуэ КIытIэ Мухьэмэд. НыбжьыщIэм хэлъ спорт зэчийм гу лъамытэу къэнакъым еджапIэм щылажьэ гъэсакIуэ гупым. ИкIи, гъэсэныгъэ Iуэхум хуэмыщхьэхыу къэтэдж Умар кIуэ пэтми зиужьащ, и IэпщIэлъапщIагъым иригъэфIакIуэурэ, утыку куэдым ехъулIэныгъэ хэлъу зыкъыщигъэлъэгъуащ. НобэкIэ Умар студентщ. Ар щоджэ УФ-м и МЧС-м и мафIэсгъэункIыфI къулыкъум здыхурагъаджэ Санкт-Петербург къэрал университетым. ЩIэныгъэ зэрызригъэгъуэтым къыдэкIуэу, ныбжьыщIэм лъэкIыныгъэ иIэщ и спорт гъэсэныгъэри иригъэфIэкIуэну. Абы ипкъ итуи, Умар зэхьэзэхуэ зэхуэмыдэхэм зыкъыщегъэлъагъуэ зэпыт… 1998-2000 гъэхэм къалъхуа спортсменхэр зыхэта зэпеуэмкIэ къэдгъэзэжынщи, зи хьэлъагъыр килограмм 75-рэ хъу гупым деж, зэрыжытIауэ, япэ увыпIэкIэ къыхэща ди хэкуэгъу боксерым хуабжьу IэкIуэлъакIуэу, Iуэху зэхэщIыкI ин боксымкIэ зэрыбгъэдэлъыр къигъэлъагъуэу и зэпэщIэтыныгъэхэр иригъэкIуэкIащ. ЖыIэпхъэщи, мы зэхьэзэхуэм Урысейм и хэгъуэгу зэхуэмыдэхэм, Ленинград областым къикIа боксер 60-м нэсым зыкъыщагъэлъэгъуащ. ТекIуэныгъэр къэзылъэщахэм хуагъэфэщащ щIыхь тхылъхэр, тыгъэу — зэхьэзэхуэр егъэкIуэкIыным дэIэпыкъуэгъу хъуахэм къабгъэдэкIа сертификатхэр. Источник: riakchr.ru
Получайте свежие новости на электронную почту
Комментарии