СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

МИЛЛЕТЛЕР АРА КАТНАСЛАРДЫ БЕРКИТИП

05.02.2021 174
МИЛЛЕТЛЕР АРА КАТНАСЛАРДЫ БЕРКИТИП
Озган 2020 йылдынъ карагыс айында Башкортостан Республикасынынъ бас каласы Уфада «Яс этнополитологтынъ школасы» деп аталган семинар озды. Оны Президентлик Грантлар Фондынынъ эм Башкортостан Республикасынынъ илмилер Академиясынынъ демев этуьвлери мен Социокультуралык моделирование орталыгы озгарды. Амалламадынъ куллыгында Бурятия, Татарстан, Дагестан, Кабарты-Балкар республикаларыннан, Ханты-М ансийск автономиялы округыннан, Москва каласыннан, Астрахань эм Ростов областьлериннен ямагатшылык организациялардынъ етекшилери катнастылар. Пайдалы семинардынъ куллыгында республикамыздынъ «Ак Кобан» яс-явка ямагатшылык организациясынынъ етекшиси Азрет Джемакулов эм сосы ямагатшылык организациядынъ Астрахань каласындагы филиалынынъ председатели Амир Мусаев ортакшылык эттилер. «Региональные проекты и экспертные сообщества: этнополитическое измерение» деген тоьгерек столда ердесимиз Азрет Джемакулов Кобан ногайлары эм етекшилейтаган «Ак Кобан» ямагатшылык организациясы акында аьзирлеген доклады ман соьйледи. - Биз башкирлердинъ «Биз башкирлер» деген организациясы ман эртеден бери тар катнасамыз. Олардынъ яйдан атув школасы Россияда энъ де куьшли болып саналады, спортшылары дуныялык чемпионатларында енъедилер. Мен досларымыз бан миллет кийимлери, ок пан яйды аьзирлевдинъ йосыклары бойынша хабарластым, - деп боьлисти «Ак Кобан» ямагатшылык организациясынынъ етекшиси Азрет Джемакулов. Алдыда «Биз башкирлер» ямагатшылык организациясынынъ ярдамы ман Азрет республикамызда ок пан яйдынъ школасын ашпага мырат этеди. 
174 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный