Актуально В КЧР определили лучшего учителя родного языка и литературы Актуально Глава КЧР Рашид Темрезов вручил ключи от 19 новых пассажирских автобусов Актуально «Россети Северный Кавказ» на 7,7 % улучшили платежную дисциплину потребителей электроэнергии в КЧР Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева

МИЛЛЕТЛЕР АРА АЙКАСЛАРДЫ ТЕРГЕВДИНЪ ТАМАМЛАРЫ

25.01.2020 172
МИЛЛЕТЛЕР АРА АЙКАСЛАРДЫ ТЕРГЕВДИНЪ ТАМАМЛАРЫ
Янъыларда Черкессктинъ Правит ельст во уьйинде Карашай-Шеркеш Республикасынынъ миллетлер ислери, коьлемлик коммуникациялар эм баспа бойынша министерствосынынъ уйгынлавы ман республикам ы зда миллетлер ара айкасларды мониторинглевдинъ тамамларын презентациялав озды. Амалламада КЧР миллетлер ислери, коьлемлик коммуникациялар эм баспа бойынша министрининъ борышларын толтырувшы Ислам Хубиев, министрдинъ орынбасары Сергей Гузко, КЧР-да терроршылыкка карсы комиссиясынынъ аппаратынынъ басшысы Валерий Степанов, тергевлерди озгарган социологлар эм экспертлер, ямагатшылык организацияларынынъ басшылары, СМИ элшилери катнастылар. Амалламады аша келип, министрдинъ борышларын толтырувшы И.Хубиев юртымызда миллетлер ара эм конфессиялар ара айкасларды ийгилендируьв яшавшылардынъ гражданлык карасларын кеплев эм олардынъ билимлерин оьстируьв аркалы болдырылады, деди. Бу затта, онынъ ойынша, уьйкен орынды Карашай-Шеркеш Республикасынынъ мусылманларынынъ Дин управлениеси, Орыс православ килсеси, республикамыздынъ ямагатшылык организацияларынынъ Миллетлер ара совети эм коьлемлик билдируьв амаллары тутадылар. А м ал л ам ад а «Карашай-Шеркеш Республикасында миллетлер ара айкаслар. Мониторинглевдинъ тамамлары» деген доклад пан политикалык илмилерининъ кандидаты, доцент, РФ Президентиндеги РАНХиГС Керуьв-Кавказ институтынынъ илми-тергев лабораториясынынъ заведующийи Екатерина Агеева соьйледи. Ол йыйылганларды тергевдинъ тамамлары ман таныстырды. Онынъ айтувынша, Карашай-Шеркеш Республикасында миллетлер ара айкаслар татымлык, дослык авасында туьзилгенлер деп, соралганлардынъ 92 проценти санайды. Йыйылыста оьз ойлары ман «Къарачай алан халк» ямагатшылык миллет организациясынынъ басшысы Руслан Хабов, терроршылыкка карсы комиссиясынынъ аппаратынынъ басшысы Валерий Степанов, «День республики» газетасынынъ бас редакторы Евгений Кратов эм оьзгелер боьлистилер. Ислам Хубиев тергевлерди озгарган аьлимлерге разылыгын билдирди, юртымызда тебенлик эм тынышлык сакланатаганы - ол коьп миллетли республикамыздынъ халкларынынъ зегенликлери, деп белгиледи. 
172 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный