Элия (июль) айны 9-да Эресей Федерацияны Правительствосуну Председателини биринчи орунбасары, финансланы министри Антон Силуанов регионланы башчылары бла видеоконференция бардыргъанды. Анга Къарачай-Черкес Республиканы Башчысы Темрезланы Рашид да къошулгъанды.
Кенгешде регионлада миллет проектле къалай толтурулгъанларыны, алагъа тыйыншлы ачха къалай берилгенини юслеринден сёлешиннгенди. Аны тышында да «Производительность труда и поддержка занятости» эмда «Малое и среднее предпринимательство и поддержка индивидуальной предпринимательской инициативы» проектлени бир къауумуну къалай толтурулгъанларына къаралгъанды.
Кенгешни кёзюуюнде чертилгенден, биринчи сорууну юсюнден болум быйылны хычаман (май) айыны эсеблерине кёре, иги джанына тюрленнгенди. Миллет проектле бла ишлеген регионлада «Электронный бюджет» система тири ишлеб башлагъанды, 3400 регионал проектден анга 80 проценти къошулгъанды, 30 регион да кеслерини проектлерин къабыл этгендиле.
Миллет проектлени джашауда толтурур ючюн кесаматланы не къадар къысха заманны ичинде бегитирге кереклисини юсюнден да сёлешиннгенди видеоконференцияны кёзюуюнде.
«Производительность труда и поддержка занятости» проектни толтурулууун сюзген заманда 2019-чу джылны экинчи джарымына Компетенцияланы федерал аралыгъы (ФЦК) проектге къошулгъан предприятиеле бла 188 келишиу бегитгенди. Регионла да 500 келишиуге къол салгъандыла. Белгиленнгеннге кёре, ФЦК регионлада ишин бошагъандан сора компетенцияланы регионал аралыкълары (РЦК) предприятиеле бла кеслери ишлеб башларгъа керекдиле.
Регионланы башчылары чертгенден, «Производительность труда и поддержка занятости» деген миллет проектге саулукъ сакълау, билим бериу эмда ЖКХ санагъатла да къошулургъа керекдиле.
Къарачай-Черкес Республиканы министерстволары бла ведомстволары миллет проектлени тамалларында 48 кърал келешимни бегитгендиле бюгюнлюкде.
Комментарии