Республикэм и Iэтащхьэм и къалэнхэр зыгъэзащIэ Темрезов Рэшид и унафэкIэ, КъЧР-м мэзхэмкIэ и Управленэм и унафэщI Динаев Алик Уарп муниципальнэ районым щыIэ, мэзым елэжь производствэхэм еблэгъащ, яIущIащ хыхьэхэкI Iуэхум хэтхэм.
Динаев Алик иригъэкIуэкIа зэIущIэхэм къыщаIэта упщIэхэр хуэгъэзауэ щытащ мэз фондым и щIыгухэм зэгъэуIуауэ мэз хъызмэтхэр къыщызэгъэпэщыным, мэзым фIагъ лъагэ иIэу елэжьыным, тепсэлъыхьащ пхъэ гъэхьэзырыным ехьэлIауэ бэджэнд зэхущытыкIэхэм.
Апхуэдэу, КъЧР-м мэзхэмкIэ и Управленэм и унафэщIым зэIущIэ ядригъэкIуэкIащ Уарп муниципальнэ районым и администрацэм, районым, жылагъуэхэм я Iэтащхьэхэм, «Бескесское лесничество» РГКУ-м, «Дубрава» КФХ-м я унафэщIхэм, районым деж пхъэм елэжь, мэзым пыщIа хыхьэхэкIырылажьэхэм.
Дэтхэнэми къыбгъэдэкIа упщIэм Динаев Алик нэгъэсауэ жэуап иритащ, я жэрдэмхэм хуэгъэза унафэхэри къащтащ.
Комментарии