МЕКТЕП ЯРЫШНДЫРУВШЫДЫНЪ АТЫН ЮРГИСТЕДИ

Тогыз йыл артта алал досым Марат Джанибеков пан Аштархан областин йоклап, онда яшайтаган ногайларымыз бан таныскан эдим. Сосы регионда ногайлар бир неше куьп боладылар. Айтпага, карагашлар, юрт ногайлары (юртовцы), кундровшылар (кундровцы) эм утарлар (утары). Солардынъ ишинде етисан куьби де бар. Е т и с а н л а р К илинчи , Три Протока эм Кулаковка юртларда яшайдылар. Юрт ногайлары Татарская Башмаковка, Карагали, Яксатово, Солянка юртларында, М ошаик поселогы нда эм Зацарево микрорайонында; карагашлар Сеитовка, Айсапай, Куянлы, Зайковка, Новорусовка, Ясын-Соккан, Джанай, Малый Арал, Лапас, Растопуловка юртларында, Сенной, Караагаш, Кири-Кили, Свободный, Янго-аул поселокларында, Бабаевский микрорайонында; кундровшылар Тулугановка юртында; утарлар Янго-А скер , Зен зели ю ртлары нда эм Калмыкия Республикасынынъ бир неше районында тыпакласып яшайдылар. Мундагы ногайлардынъ аьдетлери айлак бурынгы эм бек бай. Олардынъ аьр кайсысынынъ ийги аьдетлери акында кызыклы хабарларын коьнъилли тынълайсынъ. Эсимде, мен сол заманда Растопуловка юртында биринши кере болдым. Ногайларымыз яшайтаган аьр бир юрттынъ ярасык табиаты, танъ, конаксуьер аьдемлери коьнъилимди коьп янъы ятлавлар эм хабарлар язбага даьврендирдилер. Мен Аштархан областин йоклаган йылда Растопуловка мектебинде биринши ногай ярыкландырувшымыз, аьлим-лингвист, тарихши, этнограф Абдул-Хамид Джанибековтынъ окувлары озган эдилер. Мектеп 1996 йылда курылган. Ол ярыкландырувшымыз Абдул-Хамид Джанибековтынъ атын юргистеди. Окув отанын Расул Эдуардович Алтаяков басшылайды. Ол аьскершилик кол куьреси бойынша халклар ара класслы спорт устасы, 2008 йылда чемпионнынъ атын алган. Мектепте савлайы йырма алты окытувшы куллык этеди. Олардынъ баьриси айлак уста окытувшылар боладылар. Солардынъ санында бесеви - биринши категориялы, алтавы - Халк ярыкландырувынынъ отличниги, тагы да алтавы - РФ ортак билимлендируьвининъ сыйлы куллыкшысы. Мектепте «Музейное дело», йырлав, биюв, «Ногай халкынынъ тарихи эм м аданияты » , «Ю ны е т у ­ ристы-проводники», «В олейбол» , «Уста коллар», «Маски» кружоклар аьрекетлейдилер.