Актуально Как защитить свои данные на Госуслугах от мошенников СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность

МЕДВЕДЕВ ДМИТРИЙ: «АНХАРА ГIАРШIЫЦХРА АТАХЪЫПI!»

19.07.2019 234
МЕДВЕДЕВ ДМИТРИЙ: «АНХАРА ГIАРШIЫЦХРА АТАХЪЫПI!»
Москва апны «Единая Россия» политика партия ЙхIаракIу йгьи а-Генеральна советква ралачIвара акIвшатI. Апартия апхъагылагIв, Россия Федерация а-Правительства а-Председатель МЕДВЕДЕВ Дмитрий айззара гIахъитIуата апартия йалу рахIа аргваныта ауагIа йрыцынхара, ауыжвгIанчIви технологияква джьгарта йгIарысабапра, ажвлара приемнаква рынхара сабап ащтагIайуата йадгалра шатахъу гIаликIгIатI. Ансисквша йакIвшалауа «Единая Россия» аполитика партия конференция хIкъраль йапшым ашIыпIаква йгIартыцIыз 450-гIвы аднакIылтI. Ауи анхара йалан КЧР а-Хъада ТЕМРЕЗОВ Рашид йгьи КЧР АуагIа Айззара (а-Парламент) а-Председатель ИВАНОВ Александр. – Асквш аквта апартия йхIаракIу аунашвачпара органква злу политика конференция акIвыршара цIасхатI, ари йапшу анйараква рагIан рахIа хъгалра зму ахачIвква хIрыквчважварныс, хIынхара апны йхъаду анархараква гIахIырбарныс лшарахитI, – йгIаликIгIатI Медведев Дмитрий. – Айззара йапылуата «Единая Россия – курс на перемены» статья згIвытI. Ауи апны йгIахъстIызгьи, йгIасырбарныс йсылымшазгьи уахьчIва йхътIыта хIрылачважвата хIынхара апны апсахраква джвыквхIцIара атахъыпI. ЗымгIва йрапхъата «Единая Россия» партия апхъагылагIв акадр политика псахра шатахъу даквгIашIастI. Ауи йшипхьадзауала, йпасу анапIщтIыхраква анакIвшауа алхраква йрылалуа акандидатква ражванахъаква, ргIаджвыквцIараква ауагIа йрыларгара атахъыпI. Ауат ахабарргагаква йангIарыквшвара алхыгIвчва дасу ймагIну алдыргарныс рылшуштI, акандидатква рджьауапкIрагьи рыцIа йщтIыцIуаштI. – Ауи акIвымкIвагьи апартия апрограммаква рырхъйарала аштаквала абзазара йаларжьуа асоциальна проектква аргамта йхIчпара атахъыпI, – йхIватI Медведев Дмитрий. – Йхъаду нархарапI хIынхара чкIвыныргIа гIаланаркIра, аволонтерква йгьи акоммерция йалам адкIылараква ргIаджвыквцIараква йрыцкIра, акъральгIвчва, ажурналистква злу анкъвакъвраква радгалра, ажвлара приемнаква тшырзыназырхауа рыхъазла ашIыпIаква зымгIва рпны аэлектронна цхърагIараква шгIадрысабапуаш апшта анхара щаквыргылра. Айззара ащтала «Нацпроекты глазами людей» зхьзу ргIапсща гIандыршуштI, ауи амаль акъральгIвчва ражва, ргвы ззыбжу рхIварныс рылнаршуштI.
234 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный