Дзюдоист 300 къекIуэлIащ иджыблагъэ ди республикэм щекIуэкIа, Кузнецов Тимофей и фэеплъу къызэрагъэпэща XIX Урысейпсо спорт зэпеуэм. Зэхьэзэхуэм къекIуэлIа спортсменхэм я зэпэщIэтыныгъэхэм щIамыдзэ ипэкIэ, КъЧР-м физкултурэмрэ спортымрэкIэ и министрым и къуэдзэ Аджыр Мурат псалъэ гуапэкIэ захуигъэзащ зэпеуэм къекIуэлIахэм. Иужьым, спорт зэхьэзэхуэм ипкъ иту, нэгъуэщI Iуэхугъуэ гуапэхэри къызэфIигъэкIащ. Мы махуэм Iэгуауэ иным щIэту Дунейпсо класс зиIэ спортым и мастер фIэщыгъэцIэ лъагэр зыгъэбелджылы тхылъ лъапIэр ди лъэпкъэгъу дзюдоист лъэрыхьым — Пщымахуэ Арсен хуагъэфэщащ.КъинэмыщIауэ, къуажэм деж спортымрэ физкультурэмрэ зыщегъэужьыным хэлъхьэныгъэшхуэ зэрыхуищIыр къыхалъытэкIэрэ, дзюдокIэ гъэсакIуэ КIыщмахуэ Мусэ щIыхь тхылъ хуагъэфэщащ… Зэхьэзэхуэм и къызэгъэпэщакIуэхэм унафэ къызэрахьамкIэ, мы зэпеуэм текIуэныгъэр къыщызыхьахэм сом 5000 хуагъэфэщащ. Тыгъэ нэхъыщхьэм щIэбэнащ Кузнецов Тимофей здэбанэу щыта хьэлъагъым — килограмм 66-рэ хъу гупым хэтахэр. ЖыIэпхъэщи, ди хэгъуэгум щыщ дзюдоистхэм хуабжьу фIыуэ мы зэпеуэм зыкъыщагъэлъэгъуащ. Зэхэту медал 20: дыщи 6, дыжьыни 5, домбеякъи 9 къалъэщащ. Ди республикэм щыщ дзюдоистхэу зыхэта хьэлъагъхэм пашагъэр щызыубыдахэр: Иуан Аслъэн (кг.50), Джубаев Щэмил (кг. 55-рэ), Тебуев Башир (кг. 60), Куржы Руслан (кг. 66 -рэ), Темрезов Елдар (кг. 73-рэ), Сиряк Данилэ (кг. 73-м нэхъ хьэлъэхэр). Мыбыхэм щыщу спорстменищыр УФ-м щIыхь зиIэ и гъэсакIуэ Пчелкин Вячеслав и гъэсэнщ. КъинэмыщIауэ, ди хэгъуэгу дзюдоистхэм къапэщIэтахэр къыхагъащIэкIэрэ, зи хьэлъагъыр килограмм 66-рэ, 73-рэ, мыбыхэм нэхърэ нэхъ хьэлъэхэм дежи увыпIищри къапэщIэтахэм иратакъым. Источник: riakchr.ru Предыдущая новость 1308 просмотров Следующая новость Читайте также НэIэ трагъэт 22.02.2017 588 Хэкупсагъэм и нагъыщэу 17.06.2015 414 Получайте свежие новости на электронную почту Подписаться Комментарии Написать
Комментарии