Бу кюнледе Къарачай-Черкес Республиканы Премьер-министри Озов Аслан Правительствону членлери бла кенгеш бардыргъанды. Аны кёзюуюнде джыйылгъанла 10 соруугъа къарагъандыла.
Министрлени кабинетини членлери «О внесении изменений в Постановление Правительства КЧР от 30.01.2019 №32 «О государственной программе «Развитие образования в Карачаево-Черкесской Республике» деген проектни бегимин къабыл этгендиле. Бу программаны тамалында сабийлени саулукъларына къарау эмда солууларын баджарыуну хакъындан кърал программагъа толтуруула этиледиле.Правительствону членлери «Старшее поколение» деген федерал проект бла «Демография» деген миллет проектлени тамалларында джарашдырылгъан «Разработка и реализация программы системной поддержки и повышения качества жизни граждан старшего поколения» деген регионал проектни толтуруугъа керекли ачханы ёлчемин белгилегендиле. Бу проектни нюзюрю 50 джылдан тамада адамлагъа джангы усталыкъ алырча неда усталыкъларын ёсдюрюрча мадар бериргеди.
Аны кибик, «Демография» деген миллет проектни тамалында «Содействие занятости женщин – создание условий дошкольного образования для детей в возрасте до трёх лет» деген регионал проектге этиллик джоюмну ёлчемин да белгилеб, къабыл этгендиле. Бу проектни тамалында школгъа барыргъа джыллары джетмеген сабийлери болгъан тиширыуланы билимлерин ёсдюрюрге, алагъа джангы усталыкъ алдырыргъа мадар боллукъду.
Джыйылыуну кёзюуюнде республиканы бир къауум министерстволары бла ведомстволары теджеген башха магъаналы норматив-праволу къыгъытлагъа да къаралгъанды.
Комментарии