Бу кюнледе Къарачай-Черкес Республиканы Башчысы Темрезланы Рашид, КъЧР-ни Парламентини спикери Александр Иванов бла бирге, Европаны Советини джергили эмда регионал конгрессини (КМРВСЕ) 37-чи пленар сессиясыны ишине къошулгъанды. Джыйылыуну баш темасы – «Мэры на страже демократии».
Сессияда эресейчи делегациягъа уллу магъанасы болгъан «Доклад о местной и региональной демократии в Российской Федерации» деген тема да сюзюлгенди.
«Бюгюн кюн бизге – эресейчи делегациягъа – магъаналы кюн болуб ётгенди. Не ючюн десегиз, «Доклад о местной и региональной демократии в Российской Федерации» деген темагъа бизге уллу магъанасы болгъан доклад окъулгъанды. Андан сора Эресейни делегациясыны келечилери, докладны бир-бир бёлюмлерини юсюнден Эресей Федерацияны оюмун айтхандыла. Айырыб да Эресейде муниципал эмда регионал сайлаула демократ джорукъланы тамалында ётгенлери чертилгенди», - дегенди Темрезланы Рашид Инстаграмда аккаунтунда
КМРВСЕ-ни джергили властларыны палатасыны джыйылыуунда тематикалы ушакъла да баргъандыла: «Условия работы местных выборных представителей – отчаянный поиск кандидатов на должность мэров», «Умные города», «Кибербезопасность». Андан сора да башха кёб тюрлю сорууланы сюзгендиле джыйылыуда.
Чертерге излегенибиз, КМРВСЕ 47 къралны - Европаны Советини членлерини – 200 минг джергили эмда регионал властларыны органлары джыйылгъан джерди.
КъЧР-ни Башчысыны эмда Правительствосуну пресс-къуллугъу.
Комментарии