СКФО Где поесть том ям в Черкесске СКФО В Чеченском педколледже состоялся «Вечер нашидов» СКФО В Ингушетии назвали победителей конкурса «Большие вызовы» Актуально «Единая Россия» проведет «Диктант Победы» на суше, в море и в небе Актуально Минприроды Карачаево-Черкесии усилило противопожарную профилактическую работу

“Ма класс десенг класс”

22.01.2016 1263
“Ма класс десенг класс”
В Черкесске завершился муниципальный этап конкурса «Самый классный классный»Деген аты бла январны 19-да Черкесскени Ю.А. Гагарин атлы Сабий творчество къаласыны акт залында устазланы араларында конкурс бардырылгъанды. Ол “ал башланнган классланы класс башчысы” бла “тамада классланы класс башчысы” деген эки къауумну арасында болгъанды. Быйыл “Ма класс десенг класс” деген сыйлы ат ючюн шахар школладан 19 класс башчы эришгендиле. Аладан 10-су ал башланнган классланы устазларыдыла, 9-зу да - тамада классланы устазлары. Конкурс эки этапдан къуралгъанды. Аны биринчи джарымында “Мен эмда мени классым” темагъа видеороликле кёргюзюлюб, алагъа багъа салыннганды. Экинчи джарымында устазла, “Мен класс башчы болуб нек ишлейме?” деген темагъа джарашдырылгъан презентацияларын кёргюзюб, кеслери ишлеген окъуу-юретиу программаланы джакълагъандыла. Жюри чыгъаргъан эсеблеге кёре республикан аралыкъны школларыны ал башланнган классларыны устазларыны араларында биринчи орунну 18-чи номерли орта школну устазы Наталья Батрамеева, экинчи орунну 6-чы номерли орта школну устазы Елена Новикова, ючюнчю орунну 12-чи номерли орта школну устазы Тешеллеуланы Марзий алгъандыла. Тамада классланы устазларыны араларында биринчи оруннга 6-чы номерли орта школну устазы Вера Коваленко, экинчи оруннга да Наталья Подопригора тыйыншлы болгъандыла. Биринчи орунлагъа чыкъгъан устазла 2016-чы джылны биринчи кварталында КъЧР-ни бютеу школларыны араларында бардырыллыкъ “Ма класс десенг класс” деген конкурсну республикан этапына къошуллукъдула. Источник: riakchr.ru
1263 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный