м а х а ч к а л а д а й о л ы г ы с

О зган ю мада Д агестаннынъ бас каласы Махачкалада «Россия - меним тарихим» деп аталган тарихлик парктынъ юртында СКФО-да РФ Президентининъ ваькил элшиси Александр Матовников эм округтынъ субъектлерининъ басшылары Керуьв-Кавказдынъ журналистлери мен уьйкен пресс-конференция озгардылар. Амалламады Дагестан Республикасынынъ Правительствосы, Россия ТАСС билдируьвлик агентствосы, СКФО-да РФ Президентининъ ваькил элшисининъ аппаратынынъ эм Керуьв Кавказдынъ ислери бойынша РФ министерствосынынъ демевлеви мен уйгынлаганлар. Йолыгысты СКФО-да РФ Президентининъ ваькил элшиси Александр Матовников ашты. Онынъ белгилевинше, СМИ-лердинъ бас эсабы - Кавказдынъ ийги келбетин туьзуьв. Оннан баска ваькил элши оькиметимиздинъ басшысы ман 19 декабрьде уьйкен пресс-конференция болаягын билдирди эм журналистлерге соьзин карата келип: «Керуьв Кавказ акында сораган болсанъыз, ийги болар эди. Биз аьр дайым федераллык орталык пан биргелес ислеспеге керекпиз», - деди. С КФ О -да РФ Президентининъ ваькил элшиси Александр Матовников СМИ-лерди Керуьв Кавказда конфессиялар ара эм миллетлер ара тынышлыктынъ уьлгилери акында язбага шакырды. Онынъ соьзлерине коьре, аьлди шайкамага ымтылыслар болсалар да, «Россия Федерациясында энъ коьп миллетли округ тынышлыкта эм келисуьвликте яшайды». «Биз авыр эм айлак та авыр кыянатлыклар бойынша кыралымызда энъ сонъгы орынды тутамыз. Керуьв Кавказ - ол энъ кавыфсыз юрт. Соннан себеп бу йоьнелис регионлык оьлшемде де, федераллык оьлшемде де маьнели. Бу йоьнелисте куьшли болынъыз эм ийги уьлгилерди коьрсетинъиз», - деди А.Матовников. Ваькил элшидинъ белгилевинше, власть ямагатшылык институтлар ман эрши коьринислердинъ санын азайтпага шалысады эм бу соравда СМИ-лердинъ ярдамына сенеди. Карашай-Шеркеш Республикасынынъ Басшысы журналистлердинъ миллет проектлери, олардынъ тамамлары, регионда Енъуьвдинъ мерекели йылы калай белгиленееги акында соравларына яваплады. «Пресс-конф еренциядынъ бас йоьнелисин Александр Матовников белгиледи - ол миллет проектлерин яшавга эндируьв. Аьле соьле биз олардынъ тамамларын коьремиз. Бизим кыралымыз эм Карашай-Шеркеш ери уьшин, ол 10 миллет проектлерининъ 45 программаларында катнасады, ювыктагы 4 йыл социаллык авада да, экономикада да алдыга ымтылувлы болаяк. Бу проектлер, биринши шеретте, аьдемлердинъ, соны ман биргесине, аьр аьдемнинъ, яшав сапатын ийгилендируьвге каратылганлар», - деп белгиледи республикамыздынъ Басшысы.