СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

ЛМУРАД ДАЗЫЧIВЫРХЪИТI

14.08.2020 155
ЛМУРАД ДАЗЫЧIВЫРХЪИТI
УъачIвагIагIв бзихара ахъазла апхьара уъацIалуа йхIаракIу апхьарта апны йгIауархIвуа йахъазымкIва азыгIальаматра азуымата уаргьи шIыцракI шудыруаш уащтазлара атахъыпI. Араса акIвпI дшхъвыцуа сынчIва Ставрополь къральыгIва аграрна университет йапхъахауа акурс йгIалгаз БЕРЕКЕТОВА Исейя ХIазрат йпхIа. Ауи асквш 2002 Черкесск къала дйытI. Йапхъахауа акласс ЙынджьыгьчкIвын квтанай апхьарта дыцIалтI. Исейя йапхъахауа ларыпхьагIв ХIаткъва Тезада Ади йпхIа лгвы пхата дтапI. Тамамта дыгIвуа, дапхьауа, дхъвыцуа дызбжьаз, адырри апхьари бзи йылзырбаз агIвычIвгIвыс лбзира зынгьи йгьылхъаштылуам. Исейя лапхъахьыла дызпхьуш аъачIвагIа дазъазахара ахъазла дырра багъьа уымазлара, арыпхьагIвчва йгIауархIвуа уылаукIра шатахъу чакь аламкIва йгIалгвынгIвитI. Ларгьи мшигIадза лдырра йшалалырхIуш, шIыцракI шылгвнылкIылуаш дащтата йакIвлыршатI лапхьара сквшква. Ауи Черкесск къала й-17- хауа йгьи й-15-хауа апхьартаква рпынгьи дапхьатI, ХIабаз йаныргIалу ареспублика лицей амедицина гвып дрылата й-11-хауа акласс дгIалгатI. ЗныкI ахъазлагьи ауи медицинала апхьара дцушта лмурадын, уадыргIвана лаба ХIазрати лари айкьангьашхын, лшвъаква Ставрополь къральыгIва аграрна университет йыргатI. СынчIва Исейя йапхъахауа акурс дахIврала дгIалгатI. Дъапхьауа ауниверситет бзидздза йылбауа дцитI, лапхьара сахIатква шакIвшауа лгвапхитI, амчыбыжь йызпхьаз йащтагIайуа амчыбыжь рдырраква практикала йдрыбагъьахуа йымгIвайситI. ЙцIыхъвахуз амызква акоронавирус йгIалцIла дистанционна арыпхьарала асквш алдыргатI. Исейя бзидздзата йапхьауа астудентква дрылапхьадзапI, хвбала аэкзаменква дырхъыстI, уахьчIва лтшпсщара мшква лщтиитI. Берекетова Исейя апхьара йахъазымкIва ауниверситет йакIвшауа ауысква джьгарта дрылапI. Черкесск апхьартаква данапхьуз агIахIвра бзи йылбан, Тания Валерий йпа Азамат йпны дцумца агIахIвыщаква тшырзылбжьатI. ХIабаза макъымква, хIфаша бзи йылбитI. Ставрополь апхьара дъацIалыз ауниверситет апны ансамбль «Адат» гIахIвыгIвчва гвып рымата йанылдыр ауаъа дрылалра лтахъхатI. Исейя дшгIахIвуи дыззычпууи анырба ахIвсса лбжьарныс йгIалызхъарцIатI. Ларгьи йылчвыбаргвымкIва йапшым агIахIвыщаква ахIвсса гвып йдлырдыритI. Исейя дъапхьауа афакультет ргIахIвыгIвчва гвып Ставропольла йакIвшаз «Молодые таланты» анкъвакъвра йалан. АчкIвынчви ахIвсси йдыргылыз а-«Лезгинка» ажюри йалакваз йыргвапхан, «Адат» агIахIвыгIвчва гвып «Гран-При» гIарквнадыргатI. АгIахIвыгIвчва рыхъазла ауыгьи дахIврапI, гвыргъьарапI. Исейя лабагьи лангьи абазапI, лыбызшва бзи йылбитI, акъала дгIадзынгылызтынгьи аунагIва рцри бызшвала йайчважвун, ларгьи цкьата дчважвитI. ЦIыпх БерекетовргIа ртгIачва рцри кыт ЙынджьыгьчкIвын йгIайхтI, агвлачвагьи йрангIалуа, акыт ацIасква дырхъйауа йбзазитI. Исейя лгIвайщчва айцIбачва зынла нбжьагIвчвагьи раутI. Исейя дпхIвыспа гвыбзыгъапI, дщаквкIыпI. Ауи збзиру лан Анжела лакIвта йспхьадзитI. АнцIралагьи йырхIвитI апхIвыспа лбжьара, лгIадзныргылра ан лыхъвда йхъата. Анжела лани лаби – МуратыкъваргIа Юри (йпсата бзихатI) Майи – ртгIачва Черкесск къала йгIадзындыргылызтынгьи, акыт ацIасква йырчвыхъарамкIва ргIариква бжьаща пшдза рырттI, чважваща рдыруата, ахIбачва хвы рыквырцIауата абзазара мгIва йыквыржьтI. Анжелагьи лани лаби ракъыль аквшвауата йшгIадзындыргылыз, йшырбжьаз лдырхитI.Ужвы лгIариква лара пшдзарата йгIалыларцIаз йазылбжьауа, мгIва тамам йшыквылжьуаш, ауагIа рпны дшгIампхащуш дащтапI. Берекетова Исейя агроном – агIайыраква рхчагIвы ъачIвагIа гIацIылгуштI. ДъачIвагIагIв бзихара ахъазла закIгьи ахълымрыпауата йаназаману лхачIвква лырхъйитI, йчпачIву закIгьи гьагIвылщтуам. Исейя лаба ХIазрат ЙынджьыгьчкIвын рхакв апны теплица йчпан ауатрылыцIква дырхарджьитI. Йалныс ауыпI Исейя лъачIвагIала ауаъагьи рхъвыхраквакI акIвлыршарныс, ауаса ужвы азаман лдырраква йшрылалырхIуш акIвпI дызщту. УахьчIвала тшпсщара йаъу Берекетова Исейя ХIазрат йпхIа йгьи ауахьауат йапшым йхIаракIу апхьартаква рстудентква зымгIвадзугьи ргвтара пшдзаква гIардахIвырныс, рыхьызква дута йгауа, хIхъа рыладухауа йъачIвагIагIв бзихарныс рзыстахъпI.
155 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный