Хэку зауэшхуэм щыгъуэ ТекIуэныгъэ Иныр ди къэралым къызэрихьрэ илъэс 70 зэрырикъунум и щIыхькIэ, «Алашара» жылагъуэ зэгухьэныгъэм тхылъитI къыдигъэкIащ. Апхуэдэщ: «Вечная слава героям», «Подвиги героев Абазашты» тхылъхэр. Япэрейр — абазэбзэкIэ, етIуанэр — урысыбзэкIэ дунейм къытехьащ. «Вечная слава героям» тхылъым итщ КъЧР-м щыщу абазэ къуажэхэм къыдэкIауэ Хэку зауэшхуэм хэтахэм я цIэхэр. Мыбдеж къыщыхьащ нобэ псэууэ къытхэт ветеранхэм я цIэхэри, абыхэм гъащIэм теухуа хъыбархэри. Тхылъыр къыдэкIыным и фIыщIэ ин хэлъу къагъэлъагъуащ «Абазашта» газетым. ЖыIэпхъэщ, тхылъым и бжыгъэр 200-м зэрынэсыр. «Абазаштэ» газетым и редактор нэхъыщхьэ Къул Фэрдаус зэрыжиIамкIэ, тхылъыр гъэхьэзырын щIадзащ илъэс ныкъуэкIэ узэIэбэкIыжмэ. — Тхылъ тщIынуи ди мурадакъым, ауэ мыпхуэдиз зауэ дэфтэр гъэщIэгъуэнхэм дыщрихьэлIэм, ахэр зы тхылъ зэгъэпэща дымыщIыну Iэмал иIэжакъым. Тхылъыр къыдэгъэкIынымкIэ сэбэп хъуащ Ечзэч Мусэ. ИкIи, абы фIыщIэшхуэ худощI. Тхылъыр библиотекэхэм, еджапIэхэм, Iэмал имыIэу, яIэрыдгъэхьэнущ. ТекIуэныгъэр къэзылъэщахэм я цIэхэр дэтхэнэ зыми ицIыху хуейщ, — жиIащ «Абазаштэ» газетым и редактор нэхъыщхьэм. «Подвиги героев Абазашты» тхылъым ихуащ Дзэ Плъыжьым хэта зауэлI 368-м зэрахьа лIыгъэхэм я хъыбархэр. А лIыгъэхэм къапэкIуэу абыхэм орден, медаль, нагъыщэ 612-рэ къыхуагъэфэщащ. ЗауэлIхэм яхэтщ абазэхэм я мызакъуэу, э нэгъуэщI лъэпкъхэм къахэкIахэри. Ахэр абазэ къуажэхэм щыпсэуащ, абыхэм щыпсэууи зауэм дашащ. Ди хэкуэгъу зауэлIхэм зэрахьа лIыгъэхэр дэфтэрхэмкIэ щIэгъэбыдыхьыжащ. Апхуэдэу, тхылъыр щызэхагъэувэм къагъэсэбэпащ УФ-м ЗыхъумэжыныгъэмкIэ и Министерствэм и нэIэм щIэт «Подвиги народа» сайтыр. Тхылъхэм ихуа лIыхъужьхэм я цIэхэр икIэкъым, атIэ иджыри лIыгъэ зезыхьахэм я цIэхэр наIуэ щIынымкIэ лэжьыгъэ жыджэр йокIуэкI. «Подвиги героев Абазашты» проектыр и жэрдэмщ «Алашара» Дунейпсо зэгухьэныгъэм. Проектым и унафэщIщ Чекалов Георгий. Тхылъыр къыдагъэкIыфащ президент грант къахькIэрэ. Чекалов Георгий къихигъэщащ тхылъитIыр зэгъусэу къызэрыдэкIар хуабжьу зэригуапэр, сыт жыпIэмэ, тхылъитIыр зыр зым щIэгъун хуохъуж, зым имытыр адрейм итщ. — Тхылъыр щызэхэдгъэувэм дэфтэр и лъэныкъуэкIэ гугъу дехьащ. Сыту жыпIэмэ, зауэ зэманым цIэ, унагъуэцIэ куэд зэхагъэзэрыхьащ. Арами, тлъэкI къэдгъэнакъым. Тхылъым къэгупсысауэ зы псалъэуха иткъым, сыт и IуэхукIэ дэфтэрхэр лъабжьэ тхуэхъуащ, — къыхигъэщащ Чекалов Георгий
Хэку зауэшхуэм щыгъуэ ТекIуэныгъэ Иныр ди къэралым къызэрихьрэ илъэс 70 зэрырикъунум и щIыхькIэ, «Алашара» жылагъуэ зэгухьэныгъэм тхылъитI къыдигъэкIащ. Апхуэдэщ: «Вечная слава героям», «Подвиги героев Абазашты» тхылъхэр. Япэрейр — абазэбзэкIэ, етIуанэр — урысыбзэкIэ дунейм къытехьащ. «Вечная слава героям» тхылъым итщ КъЧР-м щыщу абазэ къуажэхэм къыдэкIауэ Хэку зауэшхуэм хэтахэм я цIэхэр. Мыбдеж къыщыхьащ нобэ псэууэ къытхэт ветеранхэм я цIэхэри, абыхэм гъащIэм теухуа хъыбархэри. Тхылъыр къыдэкIыным и фIыщIэ ин хэлъу къагъэлъагъуащ «Абазашта» газетым. ЖыIэпхъэщ, тхылъым и бжыгъэр 200-м зэрынэсыр. «Абазаштэ» газетым и редактор нэхъыщхьэ Къул Фэрдаус зэрыжиIамкIэ, тхылъыр гъэхьэзырын щIадзащ илъэс ныкъуэкIэ узэIэбэкIыжмэ. — Тхылъ тщIынуи ди мурадакъым, ауэ мыпхуэдиз зауэ дэфтэр гъэщIэгъуэнхэм дыщрихьэлIэм, ахэр зы тхылъ зэгъэпэща дымыщIыну Iэмал иIэжакъым. Тхылъыр къыдэгъэкIынымкIэ сэбэп хъуащ Ечзэч Мусэ. ИкIи, абы фIыщIэшхуэ худощI. Тхылъыр библиотекэхэм, еджапIэхэм, Iэмал имыIэу, яIэрыдгъэхьэнущ. ТекIуэныгъэр къэзылъэщахэм я цIэхэр дэтхэнэ зыми ицIыху хуейщ, — жиIащ «Абазаштэ» газетым и редактор нэхъыщхьэм. «Подвиги героев Абазашты» тхылъым ихуащ Дзэ Плъыжьым хэта зауэлI 368-м зэрахьа лIыгъэхэм я хъыбархэр. А лIыгъэхэм къапэкIуэу абыхэм орден, медаль, нагъыщэ 612-рэ къыхуагъэфэщащ. ЗауэлIхэм яхэтщ абазэхэм я мызакъуэу, э нэгъуэщI лъэпкъхэм къахэкIахэри. Ахэр абазэ къуажэхэм щыпсэуащ, абыхэм щыпсэууи зауэм дашащ. Ди хэкуэгъу зауэлIхэм зэрахьа лIыгъэхэр дэфтэрхэмкIэ щIэгъэбыдыхьыжащ. Апхуэдэу, тхылъыр щызэхагъэувэм къагъэсэбэпащ УФ-м ЗыхъумэжыныгъэмкIэ и Министерствэм и нэIэм щIэт «Подвиги народа» сайтыр. Тхылъхэм ихуа лIыхъужьхэм я цIэхэр икIэкъым, атIэ иджыри лIыгъэ зезыхьахэм я цIэхэр наIуэ щIынымкIэ лэжьыгъэ жыджэр йокIуэкI. «Подвиги героев Абазашты» проектыр и жэрдэмщ «Алашара» Дунейпсо зэгухьэныгъэм. Проектым и унафэщIщ Чекалов Георгий. Тхылъыр къыдагъэкIыфащ президент грант къахькIэрэ. Чекалов Георгий къихигъэщащ тхылъитIыр зэгъусэу къызэрыдэкIар хуабжьу зэригуапэр, сыт жыпIэмэ, тхылъитIыр зыр зым щIэгъун хуохъуж, зым имытыр адрейм итщ. — Тхылъыр щызэхэдгъэувэм дэфтэр и лъэныкъуэкIэ гугъу дехьащ. Сыту жыпIэмэ, зауэ зэманым цIэ, унагъуэцIэ куэд зэхагъэзэрыхьащ. Арами, тлъэкI къэдгъэнакъым. Тхылъым къэгупсысауэ зы псалъэуха иткъым, сыт и IуэхукIэ дэфтэрхэр лъабжьэ тхуэхъуащ, — къыхигъэщащ Чекалов Георгий
Получайте свежие новости на электронную почту
Комментарии