Республикэм щыяпэрейуэ, Хьэбэз районым хыхьэ Беслъэней къуажэм дэт «Беслъэней» спорт клубым деж иджыблагъэ футболымкIэ фэеплъ спорт зэхьэзэхуэ щекIуэкIащ. Ар траухуащ къэрал IуэхущIакIуэшхуэ, политик, лъэпкъыр зэрыгушхуэ къуэфIым — Хъупсырокъуэ Назир (Кърым-Джэрий) Хъызыр и къуэм. Спорт зэхьэзэхуэм къыхашащ 2004–2005 гъэхэм къалъхуа футболист ныбжьыщIэхэр. Зэпеуэр къыщызэIуахым абы къеблэгъащ КъЧР-м футболымкIэ и федерацэм и президент Борисенко Анатолий, абы щIыгъуу зэпэщIэтыныгъэхэм кIэлъыплъыну хеящIэхэр. ХьэщIэхэм къабгъэдэкIыу зэпеуэр здекIуэкI къуажэм къигъэува командэм хэт футболист ныбжьыщIэхэм тыгъэ хуащIащ футболистхэм я щыгъынхэр. Спорт зэхьэзэхуэм къекIуэлIащ команди 8: Хьэбэз, Зеленчук, Абазэ, Адыгэ-Хьэблэ муниципальнэ районхэм, Краснодар крайм хыхьэ Удобнэ станицэм къикIахэр. — Адыгэ лъэпкъым къыхэкIа цIыхушхуэм, къэрал IуэхущIакIуэшхуэу щыта Хъупсырокъуэ Назир и щIыхькIэ зэхэтша фэеплъ зэпеуэр япэрейуэ къызэдгъэпэщу аращ. Ауэ, дяпэкIэ ди мурадщ мыр илъэс къэс едгъэкIуэкIыну. Хъупсырокъуэ Назир Хьэбэз районым деж спортымрэ физкультурэмрэ зыщегъэужьыным хэлъхьэныгъэшхуэ хуищIащ, мылъкукIэ дэIэпыкъуэгъу хъуащ. Куэд щIауэ дигу илът Хъупсырокъуэ Назир и фэеплъ зэпеуэ зэхэтшэныр, абыкIи адыгэлIыр дигу зэримыхуар дгъэщыпкъэныр. Ар зэрытхузэфIэкIам дыщогуфIыкI, — жиIащ "Беслъэней" спорт клубым и унафэщIым и къуэдзэ Унэж Рэмэзан. Утыкум щызэпэщIэта футбол командэхэр ерыщу щIэбэнащ зэпеуэм пашэныгъэр къыщыхьыным. Ещанэ увыпIэкIи къыхэжаныкIар Куэш-Хьэблэ къуажэм къикIа футбол командэращ. Япэ-етIуанэ увыпIэм щIэбэныну лъэкIыныгъэр къэзылъэщар Елбыргъэн къуажэм къигъэува «Шарпны»-мрэ зэпеуэр здекIуэкI къуажэм и командэмрэщ. Ауэ ерыщу зэпэщIэтахэм я зэманым къриубыдэу ягъэбелджылыфакъым нэхъ командэ лъэрыхьыр. Бжыгъэр 0:0, зы топи дамыгъэхьауэ джэгугъуэ зэманыр иухащ. ИкIи, пеналтикIэ Абазэ районым къикIахэр нэхъ IэпщIэлъапщIэу зыкъагъэлъагъуэри, дыщэ медалыр абыхэм къахьащ. Беслъэнейм и командэр етIуанэ хъуащ. Зэпеуэм хэта командэхэм топ тхурытху тыгъэ хуащIащ. Призер хъуахэм, текIуэныгъэр къэзыхьахэм медалхэм къинэмыщIауэ, зэпеуэм и тыгъэ нэхъыщхьэу илъа ахъшэр зэхуагуэшащ. Мы зэпеуэм ипкъ иту, нэгъуэщI спорт зэхьэзэхуи мы махуэм мыбдеж щекIуэкIащ. Роликхэм тету зэдэжащ пщащэхэр. ТекIуэныгъэр къэзыхьар, метр 400-м нэхъ псынщIэу къэжар, Беслъэней курыт еджапIэм щеджэхэращ. Источник: riakchr.ru Предыдущая новость 1588 просмотров Следующая новость Читайте также Гъуазджэмрэ литературэмрэ и Iэпэгъуу 22.01.2016 477 ВОЛОДИН ВЯЧЕСЛАВ ЕХЪУЭХЪУАЩ 10.10.2016 428 Получайте свежие новости на электронную почту Подписаться Комментарии Написать
Комментарии