Кючю 10 процентге ёсерикди

Россияны Къарачай-Черкесияда Пастуховну атын джюрютген тауну къатында тенгизден 2070 метр мийикликде орналгъан  эм уллу телескопу джангыртыллыкъды. РАН-ны Астрофизика обсерваториясыны директоруну заместители Валерий Власюк айтхандан, къралны эм уллу телескопуну кюзгюсюню алюмин къабугъун джангыртыр ючюн, аны иши бир ай чакълы бирге дери тохтатыллыкъды. «Ауурлугъу 42 тонна, диаметри да 6 метр болгъан кюзгюню юсюнде эскирген къабугъу кислота бла джуууллукъду, ызы бла анга джангы алюмин тыш кийдирилликди», - дейди ол ишни юсюнден В. Власюк. Алай этилгенини себебинден астрономия керек бусагъатдан эсе 10 процентге маджал боллукъду. 1975-чи – 1993-чю джыллада кюзгю, уллулугъу бла биринчи болуб, бютеу дуниягъа айтылса да, аны тышын джангыртыргъа къуру 3 грамм алюминий кетерикди. Джангыргъан телескоп августну 5-де ишлеб башларыкъды.