Къарачай-Черкесияда Уллу Ставрополь каналны юсю бла баргъан кёпюрге ремонт этиле турады. Ол Лермонтовдан Черкесскеге баргъан джолда Ударный посёлокга элтген джерде 14,4 километр узакълыкъдады.
Бюгюнлюкде кёпюрню къыйыр томурау агъачлары ауушдурулгъандыла, кёпюрню юсюне джангыдан бетон салыннганды. Аны иги тартдыргъандан сора гидроизоляция этилликди.
Аны бла бирге башха керекли джумушлагъа да къаралады. Алайды да, ноябрны 25-не джолну бир джаны бла джюрюб башларча боллукъду. Былайда алкъын этиллик иш джетишеди: кёпюрню тутуб тургъан тиреулени деменгили этерге керекди, конусла джарашдырыллыкъдыла, дагъыда ууакъ-тюек ишле баджарыллыкъдыла. Джылны аягъына кёпюр толусу бла хайырланыугъа теджелликди.
Уллу Ставрополь каналны юсю бла ётген бу джол 1963-чю джыл ишленнгенди. Джол устала, аны болумуна къараб, эски эмда къоркъуулу болгъанын ачыкълагъандан сора Къарачай-Черкесияны Башчысы Темрезланы Рашид анга тамамлы ремонт этерге бегим алгъанды.
Комментарии